Zumtu Caah A Biapi Taktak Mi Thil

ZUMTU HRANGIH A THUPI SAWN MI

✍️ Leitlun hi kan khualtlawnnak ram asi vek in, kum reipi kan umlo ding, Leitlun ih kan dam kum cu 70-80 sung hrawng lawngte asi. Cuhnak ih dam rei um khal sehla an mal tuk. Kum no tete ih Leitlun suahsan tu khal mi tampi an um. Thihnak in zohman a thleidang lo. SAAM90:10a

✍️ Leitlun kan damsung caan tawite ah kannih zumtu Pathian fa pawl hrangah cun Sui le ngun, Innţha Loţha le Sumpai ziang maw zat ka khawl zo ti hnak in, Kan dam sung caan tawite ah Bawipai hrangah ziang mawzat ţuansuah mi ka nei zo, Vanah ziang mawzat sumsaw ka khawl ngah zo ti hi a thupi sawn.

✍️ Ziangah tile Leilun ih kan khawl mi sum le saw hlawnthilri pawl hi, a hmun mi a um lo. kan thihhnu khal ah kan keng thei lo ding, hi leiah kan tanta mai ding mi lawngte an si. Matthew 6:19

Asinan ;
✍️ Bawipai hrang ih kan ţuansuah mi, kan peksuah mi le mi rethei, mi zonzai, kan bawm mi pawl hi, a lak lo ding. Van ah kan ken thei mi hi kan damlai ah Bawipai hrang ih kan ţuansuah mi, kan pek suah mi le mi zonzai mi rethei pawl kan bawm suah mi pawl hi an si. Matthew 6:20

**Zumtui hrangih a thupi sawn mi cu Leiah hlawn thilri le Sumpai tampi nei ih khawl hnak in Vanah Sumpai kan khawl dinghi a thupi sawn**Crd.. Mai Thian Nun Kim

Be the first to comment

Leave a Reply

Your email address will not be published.


*