Zualko: Tio Tiva Ah Chin Tlangval Note Pakhat A Nunnak A Liam

Nizan zaanlei (July 23) suimilam 3:00PM hrawng ah khan India-Kawlram ramri Tiva a simi Tipi ah Chin tlangval note pakhat Ti ah a paam tthan tiah theih asi.

Kawlram le Mizoram ramri Zokhaw Thar pawng Tiva pi ah Chin mi tlangval pakhat Ti ah a pam, Mizoram mino hna nih a rawk kan kawl hi kan hmuh cang tiah YMA Upa pakhat nih a chim hi asi.

Hi thil a can hi nihin July 23, 2020 zaanlei suimilam 3:00PM hrawng ah a si tiah an chim. Thih thawng an theih bak in Zokhawthar tlangval le pawngkam khua minung 1000 hrawng nih a ruak an kawl i an va hmuh colh hi asi.

Hi kong he pehtlai in YMA upa pakhat nih “Chin tlangval Tipi ah a paam timi thawngpang kan theih bak in pawngkam khua, mino le upa tampi nih a ruak kawl ah kan i thawh colh. Minung thongkhat (1000) paoh cu kan si lai, kan si khawh chung in kan kawl cio hna. Cun zaanlei deuh ah khan Ti a tlaknak in pe 500 hrawng a hlat nak ah Pu Ramthar Hngaka nih a hmuh i cu ahcun Tiva kam ah a chuah hi asi” tiah a chim.

Nihin ah a nunnak a liam mi hi Kalay pengkulh Hmunlai khua ah a um mi Pu Dal Za Thang i a fapa Mang Sian Khual (kum 23) a si tiah an chim.

Ref: Khunothung News

 288 total views,  1 views today

This function has been disabled for Chin 11 News.