Zualko: Malaysia Chin Mi Chungin Tlangval Kumno Tenih Mual An Kan Liam Tak E

A poi taktak ko mu, hi bantuk in miphun dang le ramdang ah nunnak liam le harsat nak phun zakip kan ton lengmang mi hi cu lung a huam hrim lo mu. A tu zong ah thihnak thawngpang kan rak theih than mi hi Malaysia ram Pehang pengkulh Temerloh khuapi chung ah a um mi Chin mi mino Ling Om (kum 25) nih pumpak damlo nak ruang ah a nunnak an kan liamtak hi a si.

Ling Om (kum 25) hi 4/12/2020 ah khan pumpak damlo nak ruang ah a nunnak a rak liam cang mi a si ko nain caan karlak relrem lonak ruang ah a rak vui khawh loin a rak um mi a si tiah theih a si.

Cu ruang ah 12/12/2020 ah Malaysia ram ah a um mi hna chiat-tthat bawmhchan tu bu hna le Chin mi upa hna, chungkhar le Pastor te nih a ruak vui nak an ngeih khawh hi a si tiah thawng kan theih.

Ling Om (kum 25) a ruak an vui nak hmun hi Malaysia ram Malacca khua i thlanhmun ah a si. Hi bantuk in kumno le zaangtthawng lio a si mi pakhat nih mual an kan liam taak ko hi cu a poi tuk hringhran. Thihnak a tong i ngaihchia zuntuar in a um mi chungkhar hna zong Pathian tu nih hnem ko hna seh mu.