Zualko: Hakha Ah Hmawngtlang Khuami Hri Awhnak In A Thi Mi

Apoi tuk ko mu, hi bantuk in Xmas lai ah thihnak le ngaihchiat nak kan theih lengmang hi cu lung a nuam hrim lo e, chungkhar hna Pathian tu nih hnem ko hna sehlaw ti hi kan thlacam nak a si. Hi thawngpang hi The Hakha Times nih atang lei bantuk in a rak tial.

Hakha ah Hmawngtlang khuami hri awhnak in a thi mi Update

December 15, zinglei suimilaam 7:00 hrawng ah Hmawngtlang khuami Pu Sang Tha Lian cu Hakha sii-inn pawng ah hri awhnak in a thi, tiah kan theih.

“Amah hi nupi le fa zong a ngei mi a si. Hakha Dawrhlun Kuattit ah khua a sa mi an si. Anih hi zu a ding pah mi a si an ti. Sii-inn ah an chiah i thlalangawng zong a thongh i a kuai. Tuanvo ngeitu nih an va zulhdawi tik ah atu bantuk in hri in aa awh hi a si. Amah hi kum 32 a si,” tiah Health Concern Volunteer Group (HCVG) in tuanvo ngeitu Pu Cham Hrem nih The Hakha Times ah a chim.

Amah hi Hakha ah khuasa an si bantuk in a nulepa zong an rak phan cang. Nihin December 15 ah hin a ruak an vuicolh ko lai, ti zong Pu Chan Hrem nih a chim fawn.

Credit: The Hakha Times