Zu Tha Lo Ding Ruang Ah Minung 10 An Nunnak A Liam

RIP ; (Zu) Chia Din Ruangah Minung 10 Nun Naak A Liam!

January ni 1 ah khan Kachin ramkulh, “Lwegel” khuapi (zu-dawr) in cawk mi zu-ding tu minung pa 10 an thi, ti ah tualchung mi nih anb chim.
Zu ding tu pawl cu cikhat rau lo te ah an mit rau in an thaw a pit. “Lwegel” Sii-inn ah kalpi colh ansi, nain an chanh kho hna lo ti ah theih si. A sinain, minung pa 2 tu cu vanthat ah an dam than ti ah an chim.

“Zu-ding tu pawl hi an kut le ke khong in an mit hi phundang in um colh ti ah hmuhtu hna nih an chim. A zaankhat naak ah minung pa 6 an thi i, cu hnu ah minung pa 4 an thi than. Zu hi “Bhamo” lei in lak mi si ti ah an chim.
Zu-chia din naak in thi mi pawl cu “Kyaukse” in riantuan mi an si i, kum 20 in 40 karlak an si hna. Ref; IHBURLENPICTURE

Relchap>>>>SAC Ralhrang Nih Bomb Hmanh Mi An Phoih Lio Ah A Puak, A Thimi Le Hliamtuar An Tam!
=====
Bago ramtthen Kyaukkyi peng ah SAC ralhrang Bomb an hmanh/do hnawh mi hna an phoih cuahmah lio ah a puak i ralhrang 3 an thi 6 nih hliamfaktuk an tuar tiah theih a si.

“January 7 zing suimilam 8:00 tluk ah Bago PDF Battalion 32702 le Tetkhuai 2 hna fonh nih SAC ralhrang mawtaw bawh in Bomb an doh/hmanh hnawh mi hna a si tiah” tualchung hriamtlai nih fianternak an tuah.
#Source:Mizzima

Relchap>>>CDM Cachim Tu Le A Fapa Telh In Minung 3 Khualtlawngmi An Tlau!
=====
Sagaing ramtthen Homalin peng Mobailaut (မိုဘိုင်လွတ်) khuami CDM cachim tu U On Hong (ဦးအွန်ဟောင်) kum 50 le a fapa cu January 2 ah Tamu khuapi kalding in cycle he an kal i lampi ah an tlau tiah theih a si.

“Khualtlawn an kalnak lam hi ralhrang Shanni (SNA) hriamtlai an hrantuknak hmun a si i chungkhar hna he nihin tiangah pehtlaihnak an ngeikho rih lo tia” tualchungmi sin in theih a si.

January 5 zongah Tamu peng Tanan khua ummi U Let Khu Lun (ဦးလက်ခိုလွန်) kum 45 cu suimilam 12:00 tluk ah mizei ti theih lo mi hriamtlai phu hna nih an tlaih i an kalpi caah a chungkhar nih pehtlaihnak an tuahkho lo tiah theih a si.
#Source:Zalen

Crd.. Lung Mali Post

Be the first to comment

Leave a Reply

Your email address will not be published.


*