Kahdohnak Ah Ralhrang Lei In Minung 10nak Tlawmlo An Thi.Kayah ramthen, Pharuku peng i Demoku khua le Shan ramkulh, Phekung peng i Betu khua in ralhrang hna cu KA le KNDF nih i fonh in tuni August 8 zinglei sml 8:30Am ah an kahtuk hna caah ralhrang lei in minung 10 nak tlawmlo an thi tiah KNDF lei nih thawngthanhnak an tuah.
Zinglei sml 6:00 lawnh hrawngin tukdohnak hi ai thok i ralhrang hna nih hriamnan nganmi hmangin zaanlei 4 tluk tiang din loin an i kah hnu, suimilam 2 dan hrawngah a thar in an i kaap than i ahmun um khuami hna cu raltih ruangah an zaam tiah theih asi.
Ralhrang hna hi Loikaw le Pharusuu khua ah cawlcanghnak le ralkap thazaang an chap ruangah KA le KNDF nih i fonh in a dihdongh tiang kan tuk doh hna lai tiah an thanh.Ref : Kantarawaddy The Chin Now
Relchap: Daw Aung San Suu Kyi Zung Chuah Caan A Ni An Thawn Daw Aung San Suu Kyi sualphawt mi kong he pehtlai in August 9,nihin zung toncaan ah checkpiak ding a si nain sualphawt mi cu checkpiak nak um lo in a ni an thawn piak than tiah Daw Aung San Suu Kyi sihni U Khin Mawng Zaw nih RFA ah a chim.
Naypyidaw Zabeutirih(ဇမၺဴသီရိ) peng biaceih zung ah checkmi sualphawtnak caah a hlan August 9 le 10 ni ah tonding in khiah mi sualphawtmi hna cu zarhkhat a rauh hnu August thla 16 le 17 ni ah thial a si tiah U Khin Mawng Zaw nih a chim.
“Ni 9,10 zung toncaan a um lo,cu ruangah Daw Aung San Suu Kyi he zong ton caan a um lo. Coronavirus chawnh ning a karh ruangah ti in ralhrang phu hna nih July 25 ni tiang, ni kua chung pehtlai in zungkhar ni sau ter in an langhter .
Cu zungkhar chung August 1 ni ah voikhat, August 8 ah voikhat, August 15 ah voikhat ,dihlak ah voi 3 in caan sauh ter a si caah Daw Aung San Suu Kyi sualphawt mi cu checkpiak lo in zarhli chung pehtlai in a ni thawn piak hi a si.
Zung ton caan zarhli thawn a si caah sualphawt mi cu checkpiak khawh lo in thlakhat a rauh nak hi a si, Daw Aung San Suu Kyi le amah a sihni hna he hmaiton in an i ton lo nak hi thlakhat a rau cang. Daw Aung San Suu Kyi cu a sual phun 9 in ralhrang phu hna nih taza an cuai hi a si i, cu sualphawt mi za te ning in ralhrang nih a sangbik dantat nak an pek ahcun kum-40 leng tiang thong a tla kho tiah RFA nih a tial.TCP
Leave a Reply