Kan miphun chung ah remnak taktak a um lomi ko a lo ngai in ka thei ka palh kho nain, Mindat-CDF cathanh chuah mi le thawng thanh mi zoh tikah CNF/CNA he a pehtlai lomi a lo ngai. Mindat-CDF in Chief nih KIA sin le AA sinah bomh nak a hal mi kong ah ziah CNF /A nih an i dirpi hna lo caah maw mah tihin an um hnga.
A tutan ah le Chin miphun chungin miphun 4 hna nih cachuah an van tuah than i kan lau cio ko. ziah CDF vialte hi an i pehtlai hngalo maw, CDF- Mindat le CDF- Kanpalet , CNO, Zomi Fedaral Union hi hna pawl lawng riantuan tti dingin an thanh ko.
Alliance an tuahmi ah CNA aa tel lo i, CNF he aa pehtlaimi CDF zong alliances ding ah an duh theng hna lo. A tutan an cachuah mi cu khua a ruat ko nih cun ruah ah lung a nuam lo ngai, kan miphun kan lung a rual lo chin lengmang tiah chim khawh a si ko hih!Pahmun mh
Relchap:Afghanistan ah a ummi US le UK ralkap hna cu August 31 ah chuah dih dingin an chim cang bantukin August 31 hnu cu a ni kan chap kho ti lo tiah Taliban chimnak nawlngeitu nih a chim.
US president Joe Biden nih kan ralkap hna cu August 31 hlan ah lak dih dingin kan timh nain, Afghanistan ah a um lio mi an minung hna kan chanhchuah khawhnak dingah a herh ahcun kan i timhnak sau zong kan um rih lai tiah a chim cang mi a si.
British Boris Johnson zong nih kan hnu zarh ah tuah mi emergency G7 meeting ah Taliban ah a um mi ramdang minung hna cu August 31 hlan ah chanhchuah ding cun a caan a tawi tuk caah a ni thawn a hau ko lai tiah a ti ve.
Taliban chimnak nawlngeitu Suhail Shaheen nih US president biachimh mi cu Taliban nih Afhganistan kan lak nak ni chap bantuk a si. US le UK nih kan um rih lai an ti ahcun kan lehnak cu ‘No’ a si.
August ni 31 ah kan chuak dih lai an ti mi cu buar a ngah lo mi hnatlaknak a si. Mah ni ah kan chuak dih lai tiah Joe Biden nih a thanh cia mi a si. Cucaah, a ni an thawn a si ahcun kaphnih hnatlaknak an rawk khawh mi a si.A ni an thawn i, an kan tuk rih a si ahcun lehrulh a hau te ko lai tiah sky tv news nih Doha, Qatar ah biaruahnak an ngeih ah a chim.
Suhail Sheheen an ram minung hna an ramchungin a bupi in tlikzaam an i timh mi cu Taliban pawl an tih hna ruangah a si lo, sipuazi dirhmun a that lo ruangah a si tiah a ti.
Ref; economic times
Leave a Reply