Zeiruangah Dah Halland Hi UCL A Chuih Khawh Ning?

Tulio ah biahalnak a tam taktakmi cu Halland konghi a si. A ruang Erling Haaland hi season hramthok ah khan Red Bull Salzburg caah UEFA Champions League a chuih cang i, Kawl 8 bak a thun cangtu a si. A sinain Haaland cu January thla khan Salzburg chuah tak in Borussia Dortmund ah aa thial.

A hlan UEFA kal ning cun Haaland hi Dortmund caah Champions League chuih khawhnak nawl a ngei lo nain Round of 16 chuihnak ah Haaland nih Dortmund caah chuih in kawl 2 bak a thun i, PSG lakah teinak a hmuh pi hna!

Champions League le Europu League ah hin a hlan ahcun player pakhat nih season khat chung ah club pahnih caah chuihnak nawl an rak pe hna lo. A sinain a tu hi an kal phung hi UEFA nih a thleng cang caah Season khat chung zongah club pahnih caah chuih khawh a si cang tinak a si.

Kum 2018 March thla ah khan UEFA nih hi an phunglam hi a thlennak kong a chim i, cu caah January i, an i cawkzuarmi player pawl zong an club thar caah an chuih khawhnak hi a si.

UEFA nih an phunglam an thlen ruangah Dortmund nih Haaland hi an hmang kho i, Tottenham zong nih an player thar Steven Bergwijn cu Champions Leauge caah an hmang kho ve cang. Manchestger United zong nih Europa Leauge leiah Bruno Fernandes cu an hmang kho ve cang lai. Ref: IK

 348 total views,  1 views today

This function has been disabled for Chin 11 News.