Zeiruang, Zeitik Ahdah Kawl Bianak Ahhin Naa Thial?

Pu Van Kulh Kong cu kan theih pah dih ko lai dah! Tutan biahalnak cu hi tihin a leh hna, “Kawl biaknak hi ka zumh caah 1967 ah kaa thial. Biaknak lei ah pakhat le pakhat i soi awk a si lo.

Christian, Muslim, Hindu, Budhist biaknak vialte hi tha tein i zulh khawh ahcun an tha dih. Biaknak paohpaoh hi a chiami an um lo, tha te i zulh tu hi a biapi bik. Vawlei le van a sertu kan pa Pathian cu pakhat lawng a si, aa khat dih ko” tiah a leh hna. Credit: I Tonnak Cauk

Relchap Dingmi: VP Henry Van Thio ca ah thlacam sawmnaak : CHIN miphun vialte kan pa VP Henry Van Thio cu Amyota hluatdaw ah MP a tling tthan cang. A mah hi NLD nih teinaak an hmuh tthan khawhnaak hnga ca ah President U Win Myint he lutlai changtu ttuan vo peek in ASSK nih a hman hna. ASSK nih hin a bochan taktak ti a fiang tuk. A tu term hi cu khua ning cang thlir le daihnaak kawl sawhsawh lawng si ti lo in faakpi in rian an ttuan a hau cang. An ttuan hrimhrim cang lai ti zong ka zumh fawn.

VP hi tlaang cungmi tinvo a si ca ah uting nauvo in miphun dang an peek ve cang hna lai ti in a ruatmi mitampi kan um hna. Kawl tam deuh zong nih an ruah. A sinain kei nih cun faakpi in thla kan cam ah cun BAWIPA PATHIAN nih a ti khawh lomi a um lo. ASSK hi kawlram tthancho ter i a khup le a thal leh ter ding aa zuam caan a si cang. Faak taktak in rian a ttuan cang lai.

A hlan ah cun VP hna hi zohdawh khuahun bantuk in an rak hman hna na in a tu ah cun rian tampi peek in ttuan ter taktak kha a timh tik ah a mi zumh ni bak an si kha a hau. A luan cangmi kum 5 chung an rianttuannaak ah VP Henry Van Thio cu rian a ttuan kho, a active tuk, a ding fel i aa bochan tuk ti a langh ca ah UN meeting hmanh ah ram aiawh in a kal ter lengmang.

An nu Jessinu hrimhrim nih hin ASSK lung a ton tuk ti kan theih lengmang. Cu ca ah a tu term zong hi ASSK nih VP dir hmun ah a chiah tthan ko lai ti hi 100% in ka zumh.  A zei a si hmanh ah CHIN MIPHUN a simi vialte hna nih VP Henry Van Thio cu a tu a ra laimi term ah hin VICE PRESIDENT ah an thim tthan khawhnaak hnga ca ah faakpi in
thla kan cam piak a hau. Rawlulh tiang in thla kan cam a hau. A bu kip Pastors le Saya te hna zong nih nan kan hruai a hau ngaingai in ka thei.

Miphun le ram a dam khawhnaak hnga miphun ningpi in rawlulh thlacamnaak an ngeihmi kan Bible ah kan hmuh ko. Cu caah a zei party, cu khua kha khua, cu bu kha bu ti hngin bak lo in a khua kip a bu kip le ram kip um CHIN MIPHUN vialte nih a si khawh chung in, rawlulh thlacamnak tiang he ttang cio hna usih tiah kan sawm hna. Kan biak PATHIAN nih a tu VP Henry Van Thio cu VICE PRESIDENT dir hmun ah chia tthan hraam ko seh!!!!!!! By. J.P. Biak Tin Sang