Zei Sualnak Hmanh A Ngei Lomi Pa Ralhrang Nih An Kah That

Makuidaing Miai peng patti khuate ah Mg Aung Ziya timi pa cu zei sualnak hmanh a nei lo nain Min Aung Hlaing ralhrang misual  pawl nih an kah i a nunnak a liam.

Ankah nak a ruang cu ralkap uknak duh lo ruang i duhlonak langhter nak ah Pittin khuate ah Mg San ko timi pa cu dalaan hruainak in August 9 zaanlei suimilam 2:oo hrawngah kai dingin Motor he an ra. Mg San Ko cu an ka tlaih lai ti a phan caah a zaam colh, i an tlai manh lo. cu ti a zaam tlawmpal ah khuate dang mi Mg Aung Ziya cu zei bia hmanh um loin an kah thah colh.Chin Knowledge Media

Relchap: Kalay Peng GAD Riantuan le Khuabawi Hna Tlaihkhih An Tong Sagaing ramthen, Kalay peng le Magwe ramthen Gangaw peng kar ah a ummi khua in GAD riantuan le khuabawi hna cu zei bu ti theih lo mi hna nih zaan ah an luhhnawh hna i,an tlaih hna ruangah cheukhat cu an zaam/an i thup tiah Kalay peng Myountsi khuami sin in theih a si.

August 8 khuadei ka suimilam 1 hrawng ah hika lei khuabawi hlun le GAD riantuan 4 hna cu minung 60 hrawng nih an tlaih hna. An tlaih mi hna hi Yeshin khuatekomh khuabawi hlun U Zaw Lin (kum 46), Peng GAD riantuan Tinta khuami U Zaw Min (kum 45), U Tet Naing le U Ka La hna an si tiah khuami nih an chim.

Hi bantuk tlaihkhihnak a um ruangah Tinta, Shiabo, Donwe, Cianta, Hmantaw, Setaw, Kyawyua khua GAD riantuan le palek chungkhar cu khua ah um ngamlo in ramtangah an i thup tiah theih a si.

A thup mi hna hi Kalay peng lawng si lo in Tatse, Minkin, Kani, Yinmapin, Pale, Khin-u, Dipeyin, Myoung peng chung khua hna zong an i tel ve tiah theih a si.

Hi kong he pehtlaih in Sagaing ramthen ramri le venhimnak vuanci lamnaih mi pakhat nih kan pawngkam ah harsatnak a kan pe hnga ding mi an um a si ahcun thawngpang kan theih le cangka in a naih bik GAD zung le palek sakhan hna ah thawng kan thanh a herh tiah a chim.TCP