Zei Ruang Ah Chin Pathum Theng Te Bottom 3 Ah An Thutter Hna

Zei ruangah Chin pathum theng te bottom 3 ah an thutter hna. Myanmar idol season 4 hlasak zuamnak ah Top 5 result show ah Chinmi pathum bak bottom 3 ah an thutter hna.

Top 5 chung ahhin Kawl pahnih Aye Myat Phyo le Moo Ler an si i an pahnih tein an save hna. Chinmi pathum Yaw Kee le Benjamin Sum le Esther bottom 3 ah an thutter hna.

Esther le Yaw Kee hi a tu cun vothum bottom 3 ah an thu cang. Benjamin Sum hi a tu voikhat bottom 3 ah a thutnak a si. Chinmi peng khat le pengkhat kan i doh le kan i soisel kar ah Kawl pahnih nih vote tamtuk an rak hmuh ruangah a si ko. An pathum tein kai peng hna seh ti kan duh cun an pathum te hin vote peng zungzal ko cio hna usih law  a tha tuk lai.

Tuzan ah Chinmi pathum chung ah pakhat cu a tla cang lai. Pahnih an tang lai. Pakhat a tla ding zong hi sian a um lo taktak khi a si. Kawl miphun nih cu hlan bantuk in an thluak hi an hman cang ko hlah maw ti ruah a um ngai cang. Kawl pahnih le Chin pahnih Top 4 an phan lai. A donghnak taktak ahcun Kawl pawl nih an thluak an hlan hoi te lai. Tuzan bottom 3 ah Chinmi an pathum tein bottom 3 an thut cu ngaih a chia tuk. Kawl pahnih an save hna.

Chinmi kan lung ai rual lo i kan vote ai then cheu dih ruang ah maw a si hnga Kawl pawl nih an thluak an hman cang ruang ah dah a si hnga. Tuzan cu a poi ko.

 

 218 total views,  1 views today

This function has been disabled for Chin 11 News.