Zaw Min Tun: Mytel Tower A Hrawk Tucu Kan Tlaih Hna Lai I Kan Hrem Cang Hna Lai

Min Aung Hlaing ralhrang nih thawng an thanh mi cu Mytel Tower a hrawktu poh cu kan tlaih hna lai i thih dan kan pek cang hna lai tiah ralhrang biachimnak nawl neitu Zaw Min Tun nih tuzaan lei ah thawng a thanh.

Hi bantuk thiltuahmi cu အိမ္ေစာင့္ အစိုးရ ISIS bantuk le Taliban bantuk minung misual an si caah kan tlaih hna lai i kan hrem bak hna lai tiah a chim. Ralhrang Mytel Tower an hrawh mi hi hmun tamtuk ah a si i tower 80 leng PDF nih an hrawh cang tiah ralkap nih an thanh chih.

Relchap:Nihin september 15 .9.2021 Kawlin peng ah Mipi vengtu PDF nih Min Aung Hlaing SAC ralkap pawl motor an ra cuahmah lio ah bomb in an puahhnawh hna i ralhrang motor pakhat an fuh caah ralhrang minung 9 a hmun ah an thi tiah theih a si i, hliamhma a pu mi ralhrang tampi an um chih tiah an thanh chih.

Kawlin peng ah hin ralhrang le PDF fakngai in an i kap lengmang nak a si caah mipi zong nih an tuar i a thimi zong an tam ngai nak hmun a si i, PDF thazaang thawnnak hmun pakhat zong a si tiah an mah khuami minung pakhat sin in theih a si.Kalay News

Be the first to comment

Leave a Reply

Your email address will not be published.


*