Zasang Cinzah Nih CNLD Logo Kong Ah Chim Fian Nak A Tuah

By Zasang Cinzah 

Naite CNLD logo ka comment ah soisel lei in nan lak deih:) Soisel si loin a si ning te langhter a si. An ifonh hlan ahkhan Pu Than logo cu tilim sia a si. CNP nih vakok an hman. 2010 election ahkhan Vakok nih a tin in “kheuh” a timh i, Tilim sia nih a “ki” in a suk hnik lio an suai bal. Atu an von ifawnh i, Tilim sia Ki te ah vakok an tthutter. Pakhat lawng hmanh siloin, pahnih bakte an thutter. Tedim lei kan unau, ZCD logo zong ah vakok thiam a si ve i, a rak ifawnh mi paoh maw Tilim sia Ki ah an tlar duahmah hna hnga:)

Vakok nunzia le sinak hi pakhat nih a tlinh ko tiah ka hmuh. Ka Pu nih a chim tawnmi cu vakok pakhat lawng a si ahcun, kah phung a si lo a ti. An kah ahcun, thingkua ah a ummi a nupi le a fale zong a thi ding an si, a ti. Cucaah, vakok hi pakhat lawng a si ah a nunzia thatnak a lang khun tinak a si. Pahnih an si lio tu ahhin “kah/Kap” ding in an ruahmi a si deuh. 🙂 2 an si lio ah ramvai he an itong ahcun, an him lai lo tinak a si. 🙂

Tilim sia kha a ki a zum tuk. Mit le hnar ngei loin an suai fawn. Tihnung a sinak an langhter tuk, ka ti.

– USDP hi an min cu a tha bak. Arfi pakhat le Chindeih an hmang. An chindeih hi a thau bak fawn. Nain Bibel ah “Chindeih hmanh hi rawl Tam in an vak tawn” a ti bang in 2015 khan rawl tam in an vak cang. Tuhi suai tthan hna sehlaw a der tuk cang lai.

– NLD hi arfi pakhat le Awtaw hngawng sau, arfi fuh in a tlik lio a si. NLD nih state le Region ah Chief minister thimnak kong remh an duhlomi tuak tikah Unitary/ Central Cozah in zei paoh control viar an duhnak a lang tuk ve. Chin State NLD zong nih Central a Cozah an iuk ter tuk hna. Cucaah, arfi pakhat zoh in a tlimi awtaw mei itlaih zong hi ruah ngaingai a hau thiam.

 145 total views,  1 views today

This function has been disabled for Chin 11 News.