Yone Lay Nih MTV Hla A Chuah Mi Kong Ah Chery Htet Nih Fak Ngai In Bia Hal Nak A Tuah

Yone Lay hi singer dirhmun in a thok i a hnuah cun lemcang le director dirhmun tiang ah hlawhtling ngai in a phan kho ve mi pakhat a si. Tulio pulrai zawtnak ruang ah zukcawl le film an chuah khawh rih lo caah hlasak nak lei ah a kal than i hla phuah le hlasak in mipi sinah a rak langthan lengmang caah mipi zong nih an hun uar ngai mi a si.

Tuchun ah khan a hnubik hla a chuah mi cu Kawlram chung hlasak thiam minung tampi hna he an sak mi hla “Kannih vialte vawlei, lungrual caan a si cang Kawlram” timi hla cu online ah an hun chuah cang.

Cu hla kong he pehtlai in Daw Suh caah thirtung bantuk in a dir mi Cherry Htet nih a facebook ah fak ngai in lehnak bantuk in biahal nak a hun tuah hi a si. Na hla nih a sawhduh mi sullam hi zeidah a si? Zeidah na chim duhnak a si? Duhlo nak maw a si? Nihsawh le zeirel lo nak dah a si?” tiah a rak tial hi a si.

Tuchun ah Yone Lay nih hla a chuah mi kong ah Online i an hun chiah bakin soisel tu zong an hun tam taktak manh. A hla zong nan theih cio ko lai, ram hruaitu hna le ram uktu hna soisel nak a si tiah mi tampi nih cun an chim cio mi a si.

 141 total views,  1 views today

This function has been disabled for Chin 11 News.