Yaw PDF Nih Piusawthae Thilthuhmi Puahkeh le Zenkuan 1000 Leng An Lak

Yaw Defense Force Nih Piusawthae Hna Thuhmi Puahkehnak Thilri Le Kuanfang 1000 Renglo An Lak
***************************
Magway ramthen Yaw Defense Force nih ralhrangbu kuttang misual rual Piusawthae hna thuhmi puahkehnak thilri le kuanfang 1000 renglo an lak tiah Sepy 14, tuzing ah YDF nih an thanh
“YDF ralkap hna nih Sept 11 ah Minkin khua palek sakhan cu an kah i palek lei bawmtu an rat caah hnu kan tolh than. Cuti hnu kan tolh lio, Khohku khua pawngah ah Piusawthae hna nih an thuhmi puahkehnak thilri, mei hri, bomb le kuanfang 1000 renglo, tangka in sing 70 man hrawng kan lak” tiah YDF nih cun an tial.TCP

Relchap:Khua chung ah hmun hma la mi ralhrang phu hna chung in Covid-19 zawtnak an hmuh mi pakhat cu a thih caah Chin ramkulh Matupi khuachung cu nihin thok in ni khiah um lo in Lockdown a si tiah khuami hna sinin theih a si.

Matupi nithlak lei Khu Bawi veng le (140 )Battalion chung in September 12 ah Covid zawtnak minung 2 cung in hmuh a si i minung pakhat a thih hnu ah rawl dawr le sii dawr dah ti lo dawr khar dih ding in an chimh hna i khuachung cu lockdown tiah an thanh.

“Abik in (140) Battalion chung in ralhrang pakhat le a nupi sin in Covid zawtnak an hmuh. Anupi cu nizaan ah khan a thi. (140)Battalion cu Pha Naing k(ဖနိုင္) khua he a peh caah chuak lut an tam i i chawnh a fawi tuk ruang ah lockdown an ti nak a ruang a si lai tiah khua mi pakhat nih a chim.Tu zong ralhrang umnak riahbuk ah Covid a um le um lo chek lio pi a si.

Matupi Siizung ah a tlop mi Covid mizaw 11 an um i minung 2 cu an dam than cang sii zung in an tum cang, nu pakhat a thi .A tu siizung ah a um rih mi hi minung 8 an um rih tiah theih a si.TCP