Yangon SAC Ralhrang Cu Khuaruahhar In Ttih An Nung Cang

Yangon lamzawhnak ah ralhrang nih motor in an pah hna
Kyi-Min-Tai peng ah Yangon mizapi lamzawhnak ah mino hna cu tuzing suimilam 8:00AM hrawngah ralhrang nih motor in an pah hna i hmunri ah minung 3 an nunnak liam. Mino pakhat cu meithal kuan nih a hliam i athi tamtuk achuah caah a nunnak liam, nihin ah ralhrang kut in mino 4 an nunnak liam.The Fedaral Times

Relchap: Tutan kan dohthlennak le Thantlang kong ah CNA le CDF mawhchiat le zeirello in bia a chimmi le ca a tial mi nan tam.
Cheukhat nih nan i thawh i an mawhchiat ve hna ding asi ko nanti chap rih.

Kan bawmhmi phaisa hi Sia le Vok thah nak ah maw an hmang dih,Xmas tuah nak ah maw an hmang dih nan ti.
CNA / CDF caah hin phaisa zeitluk tam na pek zong ah CNA/ CDF nunnak pakhat hmanh na cawk kho lo.Na siantawk pgaisa na thawh tikah ka pek hna timi lungput ngei fawn hlah.

Nunnak le pumpek in ka țuan khawh lo caah ka siantawk phaisa in ka țuan ve titu khan i ruat ko.An lung dongh lo nak ding le thazang pek tu i zuam. Cun,Thantlang kongah na biachim i ralring cang.

Thantlang i uico pawl hi luh hnawh in doh hna hmanh seh law hi nak in an zual deuh lai i khua an khangh lawng silo in minung an hmuh mi poh le sațil an hmuh mi paoh an thah dih lai.

Cu lawng silo,kan ralkap pawl nunnak tamtuk a liam kho.
Thantlang kguapi ruangah cun kan ralkap pawl zong an thih zongah a poi lo timi lungput ngei hrim hlah.
Kan iin le lo a kangh cio.kanmah duh asi lo tihi i fiang usih.
Kan dohthlennak hi thih le thih nun le nun tiin meithal in uico pawl kah lawng hi asi lo tihi theih a hau fawn.
CNA/ CDF hi Thantlang ca lawng ah hriam an tlaih lo ti kan theih a hau fawn.

CNA/ CDF hi mifim le khua ruat kho thluak ngei ansi tihi theih a herh ngai fawn.
Thantlang kongah bia chiakha na chim tuk ah cun nangmah nih Thantlang cu khamh le veng ve tuah.
Nunnak le phaisa hi tahchun awk a țha lo.
Chin mi a bik in laimi cu,biachim thiam le le a nal ngaimi kan tam i a tak in rian a tuan mi kan tlawm tuk.

Mah țhatnak lawng i hmuh in mi palhnak le mawhchiatnak a kawl mi kan tam.
Mah tining hin kan lungput asi peng ah cun Kawl ralkap hi teihmanh usih law nini khat caan caan khat cu Rakhaing pawl sal ah kan tang țhan ko lai.

Be the first to comment

Leave a Reply

Your email address will not be published.


*