Nihin NUG nih D-DAy a thanh ni bak ah hmunkip ah kahnak le bomb puahnak a chuah i, tlangcung hriamtlai phu hna le SAC ralhrang kahnak a zual hma tiah theih a si. Cu lawng si loin a hmun kipah buainak cu a chuak cang i khuapi a buai deuhnak le bomb puahnak hmun poh ah ralhrang le palek nih lam an phih dih tiah theih a si.
Mandalay chung zongah palek minung 120 leng nih an hriam chiah in an rian an dinh tak tiah kan theih. Hmun kip ah palek zei mawzat zong NUG thawngthanh mi an theih bakin an rian an chuah tak i CDM ah an lut tiah social media kip ah an tar. Kan mah chinram hmanh ah nihin lawngah minung tam ngai CDM an tuah cang.
Tu zaan lei hrawngin Yangon khuapi cu buainak nih a zulh colh ve,bomb puahnak hmun a tam ngai tiah theih a si. Yangon PDF nih kan hnu lei deuh zongah mipi cu ralrinnak an pek hna i, nihin D-day ni muih lai hrawngah Yangon khuapi cu a buai than tiah theih a si. Hmun kip ah buainak le thahnak a karh cang lai caah mipi i ralrig uh tiah NUG zong nih an thanh i, KIO hruaitu zong nih a chim ve…Cre..Phmun mh
Relchap: South Korea cozah nih covid ruangah harsatnak tampi a tong lio mi Kawlram mipi caah humanitarian bawmhnak US dollar nuai 3 (3 million) kan bawmh lai tiin South Korea ramdang vuanci zung nih a chim.
Atu tan bawmhnak hi ralhrangbu sinah si loin mipi sinah direct in fiangfai tein a phak khawhnak lam in kan pek hna lai tiah South Korea cozah nih a thanh.
South Korea cozah nih a thanhnak ah vawleicung ram cheukhat nih ralhrangbu cu kharphihnak an tuah lio a si bantukin South Korea zong nih mah hi a kalpi ve mi a sinain mipi bawmhnak belte cu pek rih a duh.
Kawlram chungah democracy a ngah thannak hnga le remnak le daihnak a um than khawhnak dingin vawleicung ram hna he kan i zuam lai tiin August 26 ah khan South Korea cozah nih a thanh cang mi a si.
NUG cu phungning tein ser mi cozah ah diplomacy in pom piak dingah South Korea cozah sin ah minung 270000 deng nih minthut in an nawl tiah South Korea president office nih a langhter.
Ref; VOA
Leave a Reply