Yangon Khuapi Ah Rawlbawi Pakhat An Thah

Yangon ramthen ralbawi pakhat cu nihin ah meithal in an kah i a thi theih a si. Nihin zaanlei sang suimilam 4:00 hrawngah Yangon ramthen Kimmon khuate pawngah kawl ralbawi pakhat cu Meithal in an kah i a thi colh tiah khuami nih an chim.

Mah an thah mi hi motor in an phurh i an kalpi lio ah an kah hi a si tiah theih a si. Mah an kah hnu ah ralhrang pawl cu an ra i lam vialte an phih dih i um kalnak um lo in an tuah tiah theih a si.

Yangon ramthen Khayan myone ah hin naite August 5 ah khan USDP party lutlai pakhat cu meithal in an rak kah i a nunnak a liam cang tiah theih a si.Cre- Laiholh thawngzamh.

Relchap: Pansai peng chung ah MNDAA le ralhrang kar kahdohnak ah ralhrang minung 5 an thi August 3 ,thok in ni 5 chung ah Shan ramkulh Musee pengkomh, Pansai peng chung ah ralhrang phu hna le MNDAA ralkap kar ah kahdohnak a chuak i, ralhrang lei in Duh-Tat-Yin-Hmu,Duh-Tat-Khuai-Hmu tel in minung 5 an thi tiah Kokang thawngzamhnak The Kokang News nih a langhter.

Khah-Mah-Yiah 575 le Tatmat-99 le Khah-Mah-Yiah 79 in minung thazaang 30 hrawng tel mi ralhrang phu cu Pansai khua MNDAA Kokang hmunhma chung ah an rat caah kaphnih kar kahdohnak a chuah hi a si.

Kahdohnak ruang ah Pansai khua pawnghrawng ummi khua chung ah hriamngan tlak in a puah caah mipi lei in minung pakhat a nunnak a liam , khua chung inn hna zong an rawk , khuami hna zong Tuluk ramri lei ah kal in an zaam tiah Kokang thawngzamhnak nih a langhter. #Khit Thit Media

Be the first to comment

Leave a Reply

Your email address will not be published.


*