Yangon I Chin Mi Mah Zatzat Tlaih Hna Cu, A Poi Taktak Si!

Yangon, Tamwe ah Tlaih a Tongmi Chinmi Cazin! Nihin chun ah Yangon ramtthen, Tamwe peng i Ocean Center pawng ah mino pawl nih “Ralkap Serchuahmi Thilri Cawk Lo Ding” timi Campaign le ralkap uknak duhlonak an tuah lio ah palik nih an rak tlaih hna.

Tlaihmi lak ah Chinmi nu 4 le pa 6 an i tel hna: 1. Sui Hniang Tial 2. Stefani Tum Par 3. Van Par Hnem 4. Biak Tha Chin Iang 5. Siang Cung Ceu 6. Biak Cin Thang 7. Van Tha Bik 8. Thawng Tha Lian 9. Cung Uk Thang 10. Aung Law, hna hi an si.

Tamwe Ocean Center ah hin lamzawhtu minung 200 hrawng zong an i hreng i, zanlei sml. 4:00 hrawng ah khan an zapi in an chuak kho tthan hna. Photo- MHS/ Credit: The Chin Journal

Thawngpang dang Relchih ding: Tukar hrawng mipi lamzawhnak lei buainak ah mipi kan him lo a lang ngaingai. Hihi zeitindah kan him lai, zeitindah kan i timhtuah ning a si lai, zeidah kan i ken hna lai, buainak a chuah tikah zeitindah kan cawlcangh lai ti mi pawl kha Amnesty Internation guidline zulh in an ṭial mi ka hun khawmh suat. Location: Yangon tibantuk khuapi pawl ah cun Google Map in tlikzaamnak lam kha kawl khawh an si. Cu ca ah google map in tlikzaam nak kha i by-heart pah cia a hau lai.

Group serning: A biapi bik mi pakhat cu hawikom, phu he kal tikah zeitindah kan i pehtlaih lai ti mi hi a biapi taktak. Tahchunhnak ah Signal group ser in, member paoh nih thawngthanhnak tuah ding caan rikhiah ding (Tc: zaanlei suimilam pakhat in minutes 15 tiang ah thawng a thanh lo mi member paoh cu tlaih an si cang tiah ruah ding) tibantuk in tuah cia ding.

Cawlcangh ning: Hehchet maw tiah aukhuan kha cu aukhuan phung a si ko. Asinain, dai tein dide ngaih kha philh lo ding. Buainak a chuak cang ti mi cawlcanghnak kha mitfim ngai in cuanh peng ding a si lai. Pawngkam ah buainak ai thawk tikah nangmah kha hawi hlan cem ah a cawlcang ding ah i ruah peng a herh. Hawi hnu den lo ding. Tahchunhnak ah zaam ding asi cang ahcun zaam colh bak ding. Ningzah ding a si lo. Hawi hmai suan kha himnak a si ko.

Pawngkam: Nangmah na daih zong ah na pawngkam an daih lo, buaibai a hung chuah sual ahcun na bawmh hna lai. An lung a daih khawh nakhnga thazaang na pek hna lai. Ti, hangthlum tibantuk kha dinter in chikkhat na dinhter hna lai. Stability a biapi. Stability a um lo ahcun hmaifon len lo ding. Zeidah kan i ken lai? Tidur i ken ding. Tidur pawl ahhin a kua fa (hnuk par) bantuk khi an ṭha. Tidinnak zong ah, mit ṭawlnak zong ah an ṭha.

(1) Hangthlum (achu-zi), energy snacks, chocolate tbk zong i ken ding. A biapi ngai. Pum kha saupi a cawlcangh tikah Glucose dat a dongcat kho mi a si. (2) ID card i ken ding. Cozah riantuan si ahcun cozah riantuan ID, mibu he riantuan a si ahcun mibu he ai pehtlai mi ID card. Pehtlaihnak ca ah phone ah kan chiah ko ti a si nain phone lawng i rinh lo ding. A kuai kho, a tlau kho, a tha a dih kho. Cun, zualral ca ah note tialnak cauk fate zong i ken chih ding. ID card zong kha hmanthlak cia ding a si lai.

(3) Phaisa za lakin ken ding. Palik ziknawhnak ca ah a si lo. Tlaih zong ah luat ding lam a tamdeuh, Phan lo ding. Inn lawinak ca ah phaisa, rawl ca ah, phone bill cawknak ca ah tiin phaisa zong i ken ding a si lai. ATM a um ko zong ah line a tla kho. (4) Kutkhih suimilam hman ding. Note book le ball pen an herh fawn. (5) Khuh hring le cuap tha lo nih inhaler ken ding. Zunthlum type 1 ngei mi nih Insulin i ken ding. Pumpak nih ken khawh mi nunkhamnak zong philh lo ding. Nu hna nih Pad nan herh lai. Tampoon hman lo ding. Tlaih sual ah thlen le nawn caan nan ngei lailo. (6) A si khawh ahcun bu fa tete cio ah First Aid Box I ken ding. Cu si lo le pakhat cio nih hmatuamnak, spirit, plaster, cehrep I ken ding an si lai.

Tear gas zeitin kan phisin lai? Takpum ah thukboi zeihmanh i thuk lo ding. Thukboih pawl hi a leng lei khuvai pawl a dawp tu an si. A tulio khuapi pawl ah gas khamnak hmaichon a um len nain zapi ca ah a har kho. Googles mitbenh pawl I damh khawh ahcun a ṭha. Ngeih lo le pavuah ngan pi ken ding. Tear gas an kah tikah pavuah kha ti toih in hnar le ka kha huh ding asi lai.

A cunglei ah chim cia bang lungdai tein um kha philh lo hrimhrim ding. Thinphan thlalau tuk lo ding. Thinhan lo ding. Lungthin control khawh lo a si le Aung La le Tial Cung Thang tepawl an i phomh i caankar lak an dinhter hna ah “breathe slowly or take a deep breath” bantuk khi tuah ding. Tear gas i hamh sual ahcun hnap hnit, kam ṭhuah, khakchak colh ding. Dolh lo ding. Mitbenh ai benh mi nih mitbenh kha phoih zokzok ding. Gas nih mitbenh a bangh cang ahcun hman tilo ding. A biapi tak mi pakhat cu mitchung tiang va tongh hrimhrim lo ding. Mitchung ah a luh sual ahcun sii-hang pawl hman an hau. A um lo le ti tlawmpal le #antacid cawh in mit kha ttawl ding. Antacid hman tikah #Aluminium le #magnesium lawng an si lai. A dang #compound pawl i telh hlah seh.

Civil thuam in ai thuam mi ralkap le palik teh zeitin kan ti hna lai? Theih hmasa bik ding mi cu civil thuam in ai thuam mi pawl hi ralrin bak ding mi an si. Aho an si zong hngalh an si tawn lo. #Research an tuah mi ah civil thuam in ai thuam mi palik pawl hi an ngamh a sang i crime an tuah mi a tam khun ti a si. Ruah lo awk tha lo a si. Mipi lak ah an i tel tikah ralrin taktak a herh. Tuah khawh bik ding mi cu mah le phu cio tein, mah hngalh mi minung he um kha a si. Theihhngalh mi minung he pawngkam ah um peng ahcun civil thuam palik le ralkap pawl kha hngalh khawh an si ko.

Ruahdamh khawh a si mi cu, an nih pawl hi hriam an ken a tam. Mibu lak ah hriam ai ken maw ken lo kha tha tein ngiat ding. Hriam an i ken lo ahcun cutluk in ṭih an nung lemlo. Record lawnglawng an lak khawh. Hi minung pawl hngalh khawhnak ding caah tuah khawh mi cu a um ve. Tahchunhnak ah a phuphu in security upa nih minung 15 cio in pa lawnglawng, nu lawng te tiah hun ṭhen i chek ahkhin a fiang cem. Civil thuam in an in velh hna ahcun phomh colh ve ding. Self-defense ca ah i khamnak nawl kan ngei ve. Him tein hi donthlennak tei ko usih! Hawi Nih An Hngalh Ve Nakhnga SHARE VE! Credit: Salai Tial Hram Ling