Kawlram pi a ngan bik khuapi Yangon Mingala TaungNgeut myone chungah Min Aung Hlaing Ralhrang pawl nih mipi cu meithal in an kah hna i thilri hna le motor a herh lo tiangin an hrawh thluahmah hna.
Hikong he pehtlaiin Min Aung Hlaing ralkap nih mipi an kahnak hna ah minung pakhat zong meithal in an kah hna caah a nunnak a liam tiah theih a si. Mipi thinphang le thlalau in a tuhi an um hna tiah theih a si.
Video…https://www.facebook.com/Thechinlightnews/videos/846727999535938
Relchap: Sagaing ramthen Myaung peng chung khuachungah cawlcanghnak a tuah lengmang mi ralhrang cheukhat hna cu covid-19 zawtnak an ngei i, minung 2 an thi cang tiah Myaung PDF nih an chim.
Mah ralhrang hna hi August 21 hrawngin Sagaing le Magwe remthen khuachungah an lut i, khuami a tlai lengmang mi hna an si. Bu 2 in an i then i, minung 60 lak ah minung 50 nih zawtnak an ngei.
An zawtnak hi a sau pah cang. Eidin zong mipi nih an pe hna lo, sii zong tha thiin an ngei lo. Pahnih an thi cang, pakhat cu a dirhmun a tha lo ngai, oxygen pek a hau mi a si tiin kan theih tiah Myaung PDF nih an chim.
Erawady tiva hrawng Myaung peng nichuaklei Bokawng, Thungkyaing, Memataw, Nagapauk khua le Nitlaklei Chindwin tiva thluan ah a um mi khua 8 hna cu ralhrangbu nih an luthnawh lengmang hna ruangah khuami 1000 leng an zaam cang tiah theih a si.
Hi kong he pehtlaihin khuami pakhat nih; an zawt ruangah khuachungah bawmhnak an kan hal, siibawi zong an kawl. Khuachung Ar hna an thah, an ei. Covid an si ti a fiang. An hawile ka dangah a ummi hna zong nih an rak fonh duh hna lo tiah a chim.
Ralhrangbu hna cu Myaung pengchung lawng si loin Sagaing ramthen Dipeyin, Minkin, Yinmapin, Kani le Magwe ramthen chung Yesakyo peng chung khua hna cu khuakhat hnu khuakhat an luhhnawh i, khuami an tlaih, an thilri an chuh lengmang hna tiah theih a si.
Ref; Irrawaddy;TCP
Leave a Reply