Wuhan le Beijing Ah A Um Mi Kawlram Miphun Pawl Minung 250 Lengkai An Rak Kirter Hna Lai

China ram chung Wuhan le Beijing City chung ah phungning loin riantuan ding ah a kal mi hna chung in Kawlram mi pawl minung 250 nak tam cu kawlram an chuahkeh nak khua cio an phak khawh nak hnga ding ah timhtuah piak an si tiah China hrambunh Myanmar Embassy nih cun thawngthanh nak a tuah.

Asinain zeitik ni ahdah  an rak tlunter hna lai ti hi cu fiang tein theih a si rih lo nain Kawlram ah kir ka duh ko tiah Myanmar Embassy ah pehtlaih nak a rak ngei mi hna Beijing City in minung 39, Wuhan City ah phihkhar khanh a si mi hna Kawlram mi minung 222 hi Kawlram an chuahkeh nak hmun an phak khawh nak hnga ding ah kan timhtuah piak cuahmah hna lio a si tiah Myanmar Embassy nih cun an langhter hi a si.

Covid-19 ruangah China ramchung hlawhfa riantuan mi vialte hna cu phihkhar dih an rak si cang hna caah Kawlram mi pawl hi fak ngaiin harsat nak an tong hna, cu ruang ah January thla chung khan Myanmar Embassy ah pehtlaih nak an rak tuah cawlh cang hna. Cu ruang ah Myanmar Embassy le China nawlngeihtu hna timhtuah piak nak thawngin May 4 tiang ah China ram ah a um mi hna Kawlram mi pawl cu Muse le Chin ShweHaw gate ah minung 1580 an rak phakter cang hna tiah theih a si.

China ah riantuan dingin a um mi hna Kawlram mi tampi hna cu a thlithup, phungning loin a rak lut mi lawngte an si hna caah Covid-19 lockdown chung ah hin hlawhfa riantuan mi nih an co awk a si mi vialte an hmuh khawh nak hnga ding ah Myanmar Embassy nih tuahpiak khawh mi zeihmanh a um lo. Cu ruang ah Kawlram mi cheukhat hna cu anmah pumpak khuakhan nak in Kawlram ah a rak kirthan mi hna zong tampi an um hna.

Ref: Bamakhit

 150 total views,  1 views today

This function has been disabled for Chin 11 News.