Wold Kachin Congress Nih AA Le Myanmar Kahdoh Nak Kong Ah UN Security Council Sin Ah Cathanh An Kuat

World Kachin Congress nih Chinram ah Cozah ralkap le AA hriamtlai kahdohnak ruang in a chuak mi Nuhrin Covo buarnak, dothlat ding in UN Security Council sin ah nawlnak ca an chuah.  Wold Kachin Congress (WKC) nih UN Security Council sinah cakuat an tial mi hi holh phun in an rak tial. Cu an cakuat tialmi cu a tanglei ah kan hun langhter mi hi an si.

Ca an tial mi chung ah ai tal mi hna cu Myanmar nitlak lei ah kahdoh nak a cang cuahmah mi hi vawlei cung ram kip ah a um mi hna Kachin miphun vialte nih thinphang ngai in kan um. Cun UN mawtaw a mong mi pa zong an kah nak ruang ah a thi i UN minung pakhat zong fak ngai in hliamhma a tuar. Asinain UN Council leiin zeihmanh leh rulh nak a um lo pinah  ralkap pawl hna nih zei sualnak a tuah lo mi mipi pawl bomb in an thah lengmang mi kong ah hin WKC nih fak piin sungh zatlak nak kan ton mi zong a si.

Cun Chin ram chung le Rakhine ram chung ah sualnak ngeilo mipi hna nih thihnak an tuar lengmang mi le Kahdoh nak ruang ah meithal le bomb in an thih lengmang mi vialte kong ah hin a rannak in ceihkhaan nak nan ngeih nak lai WKC nih UN Security Council sinah kan in nawl ko hna.

Cun AA ralkap pawl he kahdoh nak a tuah cuahmah lengmang mi hna Tatmadaw nih hin kahdaih nak an tuah i tulio vawlei cung a hnin dihtu Covid-19 tuhi biapi ah an chiah nak hnga ding ah WKC nih kan i nawlpat rih hna.

 227 total views,  1 views today

This function has been disabled for Chin 11 News.