Wild Card In Hodah Na Auh Lai

Wild Card in ho dah na auh lai? Myanmar Idol season 4 hlasak zuamnak cu Top 4 lawng an tang cang. Minung 4 lawng an tang cang. Minung 4 a tangmi chung ah Kawl pahnih le Chin pahnih an si.

Top finalist minung 11 chung ah minung 7 cu na tla cang. A tla cangmi minung 7 ah khan na duh cemmi pakhat kha Wild Card in mee pek in auh khawh thannak caantha pek a si. Minung 7 chung ah Wild Card in vote tambik kha Myanmar Idol donhhlei cung ah a kai than lai.

A tlami minung 7 lak ahhin Chinmi nih kan uar ngaimi hna Yaw Kee le Tan Khun Kyaw an i tel ve. Chinmi nihhin Tan Khun Kyaw zong auh kan duh i Yaw Kee zong auh kan duh. Pahnih in vote pek awk an tha lo. Minung pakhat lawng kha vote pek khawh a si caah Chinmi kan vote ai then ngai te lai. Cu kar lak ahcun miphun dang a simi Kawl pawl an kai te sual lai tihi phan a um taktak mi a si.

Kanmah duhmi cio kha vote peknak nawl kan ngei ko. Sinain mah bantuk zuamnak ahcun miphun thisa zong hi ngeih a herh pah ko. Kawl pawl zong an mah miphun thisa cu an ngei le pei Chinmi nihcun winner ngah zong cu a har tuk nak a si cu. Cu ruangah Tan Khun Kyaw le Yaw Kee ahhin na duh mi poh kha au than hna. A mah belte Yaw Kee hi Chin miphun dik tak te a si caah miphun mit in kan zoh ahcun Yaw Kee vote kan pek awk a si. Tan Khun Kyaw tu hi a nu Chin a si i a pa Naga a si i Naga miphun deuh a si.

Wild Card winner kha Top 4 chung ahhin a van i tel lai i minung 5 an si than lai. A tla cangmi pakhat kha an hun char lai i minung 5 an si than te lai. A tang ahhin vote peknak link a um. Vote peknak hi tangka a hau lo. Free in vote pek khawh a si.

https://mmidonlinevote.com/third_party_login_form

 

 314 total views,  1 views today

This function has been disabled for Chin 11 News.