White House Press Secretary Kayleigh Mcenany Covid-19 Positive A Si

US cu lungrawk ngai dirhmun an phan ko cang. US ramchung ah bochan mi deuh hi pulrai zawtnak nih a phak hna caah mipi lungthin cu a mui ngai ko lai. President Trump le First Lady positive an si hnu in mipi lungthin a rawk ngai ti cu fiang tein a lang mi a si. Atu ah White House Press Secretary Kayleigh McEnany zong Covid-19 Positive a hun si than ve hi cu a poi ko.

White House Press Secretary Kayleigh McEnany Covid-19 positive si ve caah amah tein quarantines a tuah colh ve Amah hi Pathian a bochan taktak mi zumtu tha chungkhar in a thangmi a si. Thlacam piak ve a hau. Sehtan riantuannak hi Amah a bochan mi hna cungah hninsaknak in an lang theo.

Mipi hna zong nih thlacam bawmh khawh ve cio ah cun a tha. President Trump le First Lady zong Pathian a bochan mi an si ve bantuk in an zumhnak ruang ah damnak hmu than ko hna seh ti mi mipi kan saduhthah cio a si lai ti hi zumh a si ko.

White House Press Secretary Kayleigh McEnany zong Pathian a bochan taktak mi chungkhar in a thanglian mi a si ve caah an zumhnak thawng in Pathian nih damnak a pek than ko lai ti hi mipi nih an ruah cio mi zong a si. Damnak an hmuh khawh nak hnga thlacam tuin bawm ko hna usih.

Source: Salai Lairamthang