White House Chungah Pope Mithmai Hmuh Ngai Dawh A Si

RC biaknak hi an rak men lo: Tutan thimnak ah a tlingmi Biden hi RC (Roman Catholic ) biaknak asi. President a rak tuanmi John F Kennedy zong hi RC biaknak a rak si ve. Joe Biden hi a pahnihnak asi.

Tutan ithimnak ah RC asi nak nih zeimawzat a bawmh ngai lai dah. RC si hlah seh law hi tlukin teinak a hmu kho hnga maw ti hi ruah phu pakhat asi ve. Cun USA biaceihnak zung lakah a sangbik Lai holh in cun suparincot ( supreme court) biaceihtu (9) lakah alubik telhin minung 6 cu RC biaknak an si.

2021 in 2025 kum USA pawlitik (politics) le uknak cu Evangelical Khrifa hruaitu minthang pawl cu Donald Trump he nitlak lei kam ah an kal lai i White House chungah an mithmai hmuh a tlawm deuh ngai lai, nain RC hruaitu pawl hi nichuah lei kam ah kal dawh in an um i White House chungah Pope mithmai hmuh ngai dawh in a um. RC hi an rak men lo. Credit: Salai Z T Lian