Wa” Ralkap Hmunhma I Zawtnak Kong Phung An Sermi Cu Tuksum A Si Ko

Wa” hmunhma ah phungluut loin a luut i COVID-19 hmuh mi le cu he aa pehtlai mi thihdan pek timh; “Wa” (Mahte Khuakhan lairelnak Nawlngei mi) hmun ah phungluutlo a thlithup in a rak luut mi sin in COVID-19 zawtnak hmuh a si ahcun a dam tiang thlopbul hnu ah aa tlak ning in dantat si lai.

Hihi Cozah ramri lei in siseh, Tlangcung hriamtlai dang hmunhma zong in siseh, atulio COVID-19 boruak lio ah Wa hmun ah luh kan duh lo, tiah cathanh an chuah. Cun, Wa ah rak luut ding in a bawmtu hna cu kum 20 in kum 30 thongtlak an si lai i hi thil a tuah hramhramtu cu thih tiang thong asiloah thihdan pek an si lai.

Cun, Wa hmunhma ah riithaisii a phur i a zuartu cu biaceih zong a um lai lo. Thahcolh a si lai tiah cathanh an chuah tiin People Media nih a langhter.THT

Relchap: Nizaan (August 12) ah a cangmi Kalay peng, Hakha, Chawngkhuah le Natchawng hrawnghrang kahdohnak ah Panmunchawng khuami Pu Joshua cu SAC ralhrang nih a lu ah meithal in an kah i a nunnak a liam. Natchawng pawngkam ah kahdohnak a um lio ah Pu Joshua hi SAC ralhrang he an i tong sual i an tlaih hnu ah meithal in a lu ah an kah hi a si.

“Pu Joshua hi PDF zong a si lo. Khuami sawhsawh a si. Ral zong a domi a si lo. Nihin zinglei ah Natchawng pawng tlanglawng lamkam ah a ruak kan vung char,” tiah khuami pakhat nih The Chin Journal ah a chim. Panmunchawng khua cu Hakhalay khua he aa pehmi Laitlang lei kap ah a ummi a si.
The Chin Journal