Vuleicung Ram President Vialte Lak Ah Tihnung Bik Mi Pa Vladimir Putin Nih a Tih Bik Mi Cu A Mah A Zuamcawh Tu Alexei Navalny Hi A Si

A tulio hrawng thawngpang linsa ngai mi pakhat ah a tel ve mi cu, Russia President Vladimir Putin nih kan hnu lei i, a mah a zuam cawhtu Alexei Navalny Sii tha lo hmangin thah a timh nak kong hi a si i, Navalny hi Russia ram ah eihmuar le dinnak a au pi tu opposition leader a si i, Puttin nih hin thi seh tiah a duh bik mi a si tiah media zei mawzat nih an chim.

 

Alexei Navalny hi mi raltha le milar a si i, Vulei pi nih miraltha le midik mino vialte 100 an thim hna i cu an thim mi hna ah cun a tel ve mi a si, London Megazine pakhat zongah mino minung 20 an thim hna i cu ah cun mino dinnak a tlaih mi a si tiah an thim than. Putin hruaimi cozah nih corruption an hmang ning le an thil tuah mi cu vulei pi theih in a au pi ngam caah, luat bak hlah seh tiin Sii tha lo hmang in thanh an timh nak hi a si.

Kan hnu lei 2018 thimnak zongah a zuam ve i, 22% lawng vote a hmuh tiah an chim i, cucu duh lo in a dothlat caah caan tlawmpal cu thong an thlak. Vote hi tampi hmu dawh a si i, hruitu dik lo pawl nih ningcang loin thil an tuah caah a si tiah a chim.  hruitu hrokhrol  pawl nih a cozah a doh mi cu an duh lo caah cawl khawh lo ding in an rak tuah lengmang. A tutan i Sii than lo i an tuahto mi kong ah, ram kip cozah nih Russia cu an van thuat thluahmah ve.

Hi kong hi tha tein dothlat siseh tiah an au pi, England le Germany kaa dang ram tampi cu Russia President Putin cungah an lung a tling lo, Donald Trump tiang nih, hi thil hi felfai tein dothlat nak kan tuah lai tiah a chim. Hi kongah hin Putin cu dai tein a um ko i, thah a duh nak kong le a thil tuahmi cu vulei pi theih in media pawl nih an phozar piak hrihri.