VULEI CUNG HLASAK THIAM WESTLIFE KAN HMUH THAN CANG HNA LAI

1999 ah Westlife cu minthar an sak i, hi hlan ah hin mindang voithum an rak i phuah i, cu an min cu a rak lar lo ngai caah a hnu bik ah westlife an van i ti i, cu hnu cun vulei pi cu an thawngpawng nih, hninh hram a van thok. Kain, Shone, Mark, Brian, Nicky hi hna panga hi 2000 khan cun an lar tuk lawmmam cang.

1999 ah Album thar an chuah i an lar ngai, cu hnu 2000 ah khan My Love, ti mi hla an hun chuak i kha hnu khan cun Asia ram tiang nih an uar tuk hna i, hmun zeimaw zat ah an sawm hna i concert zong an va tuah.

kum 20002 ah album an chuah mipi nih an duh ngaingai, 2003 khan album thar anchuah nolh i, an lar tuk lio ah thawngpang chia a hung thang. Cucu Brian nih kei cu hi band in ka ding cang lai tiah bangnak ca a pek hna.

An chim mi cu Brian na kan chuah tak ni cun Westlife hi a der thawm cang lai, nain kan i zuam ko lai tiah an chim, Brain hi a chung le sin i caan tam deuh hmang a duh caah a ngil hi a si an ti. 2005 ah album 5 nak an tuah than i cu hnu ah tampi an i chuah than i, UK a an album 14 cu mumber 3 ah an thim piak hna. an cung ah hin 2 lawng an um.

2011 ah khan Westlife cu, kan i then cang hna lai tiah an chim. An i then lai ah hin thlah nak hla album pakhat an chuah ta, June 23, 2012 minung 3,4000 sin ah cun an dongh nak cu an hmang. Caan saupi an i then hnu ah 2018 ah an rak langthan i, an hung lar than, 2019 ah album an chuah nolh i, 2020 ah zei kan bangh lai an ti lio ah Covid-19 ruangah an cawlcang kho rih lo.

 136 total views,  1 views today

This function has been disabled for Chin 11 News.