Vote Reltu Dominion Seh Kong, Covid Sii Kong Le Trump Nih Martial Law A Hmang Lai Maw?

Vote Reltu Dominion Seh Ah Thilfello An Hmuh Cang:- Kan chin lengmang bang US thimnak cu a buai chin lengmang ko. Trump vote kha Biden vote ah an thialternak Dominion seh riantuan ning cu Michigan state ah Mithiam Expert pawl an zoh ter hna cu, a mak lawlaw khi si ko. Thuh awk a thami thil a si lo.

Hi bantuk Dominion seh in Trump vote hmuhmi vialte cu Biden vote ah an cang ter dih! Vote zeizat remruam dek Trump vote hi an hloh thlau hnga mu. American ram pumpi ah mah bantuk thil a cang hi cu, Investigation felfai taktak in an tuah ding a si. Hi bantuk ruangah State dang zong a derter viar lai. Cun a tu an hmanmi Dominion an hmannak state hi a tam ngaingai.

Covid Zawtnak Khamnak Si An Hmang Cang:- Trump riantuannak in Pfizer company sermi Vaccine cu nizan khan America mipi thongtamtuk sinah pek chuah a si cang. Hi Vaccine nih hin Covid zawtnak 95% a damter khawh tiah mithiam hna nih an fehtermi a si.

Pfizer pampany lengah Johnson & Johnson Company dang hna zong nih Vaccine an ser cuahmah lio a si. Ramdang cio zong nih Vaccine an ser ve cuahmah hna i, Covid zawtnak lak in kumvui cu kan zalen deuh cang lai tiah ruah a si.

Trump Nih Tutan Ah MARTIAL LAW A Hmang Lai Maw?:- Kanmah kan ruahnak ahcun Fake news le Trump a dotu le a leirawitu pawl hi cawl kho loin tuah dih hna seh law, CNN lih a chim lengmangmi hna hi phih dih seh law, Ralkap kut tangah thimnak thianghlim tuah dingin Martial Law hmang seh law tiah kan duh!

Nain Trump nih hin Martial Law hmang loin thil tuah ning le President si thannak lam hi a theih hrimhrim lai ko lai dah! Fiang tein in a chim duh rih lo caah a si. A sinain a mah a tanpi tu nih cun fak ngaiin tan an rak la ve ko. Ruah ning leng tuk in Trump hi a ruahnak a puitling! Pathian a tih i, Thlacam piaktu le Umpi tu Thiangthlarua nih a hruai caah a si.

A mah belte cu America ram chungah thil hmun kip ah China Secret agent hna an i telnak le cawlcanghnak tamtuk pin ah US President thimnak tiang ah an rak i teltum ngam caah , Tulio Defence Budget tam ahhin China cu teitu dirhmun ah a um. Cu ruangah si lai cun ‘Veto’ ka hmang lai a ti. Phunglam a thiammi Siddey Powell le Ralkap General thenkhat nih President hi a duh ahcun nawlngeihnak kongah (Extraordinary Powers) hmang khawh a si tiah an rak chim kha a si.

Note: Dr. PC Biaksiama Tialmi A Tawinak Tein Ka Van Lehmi Si!!