VOTE DINGMI KONGAH (Zei Ruangah Dah CNLD Hi Vote Pek Dingah A That Hrimhrim Lo)

By Johnly Fambawl

VOTE DINGMI KONGAH (Zei Ruangah Dah CNLD Hi Vote Pek Dingah A That Hrimhrim Lo)

Hi ca ka tialmi ruangah hin Laimi ka si i lairam ka daw loh tinak si loin Laimi nih kan theih ding hrimhrim a si caah a si. Cucu lungthin khat tein le lungrual tein kan um khawh dingmi hi a bia pi tukmi zong a si. Kanmah le kanmah hmanh kan lung a rual lo i kan thinlung put a khat lo i Kanmah khua lawng tinak thinlung put kan ngeih zungzal ko rih a si ahcun zei cu hme kan miphun caah thatnak taktak cu a chuah khawh hnga mu. Cucaahcun a hleiin hrawitu a simi nih cun kan hruaimi hna nih hin zeitindah kan nun zia hi a kan cawn khawh lai tinak thinlung put ngei hmasa hna u sih..

Zeiruangah dah CLND cu vot pek dingah a that hrimhrim lo tiah cun nan theih dih cangmi zong a si ko lai. Atu ah CNLD cu vote tam cem hei ngah seh law ahonih cun hme lairam cu a kan uk hnga? Mah le mah hmanh a daw taktak lomi Laimi kan si rih hi muh. Cun atu ah CNLD lei in a cuhmi Pu No Than Kap hi laimi dihlak caah a cuh nan ti ko lai. A kong lam tlawmpal tein theih hna u sih. Pu No Than Kap hi hlan ah cun CNA bawi, a lu bik a rak si. Cu tikah amah nih a rak chimmi cu kan laitlang ah hin uktu bawi ka si ahcun Falam holh lawnglawng hi lairam holh ah a um lai tiah a rak ti bal. Phungdang in ruat hlah seh law. Mah khua le ram lawng upatnak a pe khomi a rak si caah Hakha le Than Tlang nih an rak duh loh. Cucaah CNA bawi a sinak tiang zong an rak chuh. Cucaah CNA zong in a rak chuak thai. Ka chim duhmi cu. Hakha le Than Tlang kan si ah kan unau Falam an si ah kanmah ca lawng ai ruatmi si hna hlah u sih. Lungrualnak he dawtnak taktak a ngeimi si hna u sih..

Hruaitu hrimhrim a si dingmi nih cun zumhtlak le zohchunh awk tlak taktak kha a si a herh. Zeicatiah Bible Cathiang nih a kan cawnpiakmi cu, “Nan zohkhenmi hna kha a uk in uk loin tuurun caah zohchunh awktlak tu si u. Aa porhlawmi cu Pathian nih a duh lo, sihmanhsehlaw mi toiah aa dormi cu vel a ngeih hna,” tiah a kan cawnpiak. ( 1Peter 5 : 4 – 5 ). Hihi hruaitu a si dingmi nih a ngeih dingmi thinlung put cu a si. Cucaahcun kan lairam hrimhrim ah hin zumhtlak taktak le bochan tlak taktak a si dingmi cu nan um lai maw? A um teh nan um taktak cang maw? Kanmah tein kan sining cu kan i hngalh dih ko. Cucaah kanmah le kanmah hi i daw hmasa hna u sih law lungrual tein um ti hmasa hna u sih. Hakha le Than Tlang le Falam tiin um lo tein Khrih ah unau kan si bantukin lungrualnak taktak ngeih hmasa hi kan herh bikmi cu a si..

Cucaahcun CNLD hi cu a zei si khom paoh ah vote pek le thaa pek hrimhrim awk nan tha loh. Lairam ka dawt na timi kha lairam hrawktu ah na cannak hnatu a si sual lai. Cucaahcun khrihfa miphun kan sinak in kanmah le kanmah i dawt hmasa hna u sih. Cu kanmah le kanmah kan i dawt bantukin kan ram a simi kawlram zong hi daw hna u sih. ASSC hi khrihfa a si lo nain zeitluk in dah khrihfa a simi Laimi hi a kan dawt tihi cu nan theih ko lai. Cucu ka bia a sau lai caah ka tial la loh. Na thaih lo ahcun va dotthlat teh. Cu ruangah NLD hi vote pek hrimhrim dingmi cu a si..

Theihthiamnak thinlung put he careltu nan dihlak cungah ka lawm tuk ee..

Thanks,

Johnly Fambawl

 203 total views,  1 views today

This function has been disabled for Chin 11 News.