VIDEO: Zarchi Thin Yu Nih Pastor David Lah Cu Ngaihthiam A Hal, Ka Palh Tuk A Si Cang

Rev. David Lah a soisel ruangah a zeng i a mit khua a hmu lo tiah tu lio online ah a lar ngaimi Zarchi Thin Yu nih Rev. David Lah cu ngaihthiam a hal cang “Rev. David Lah a soisel lio ahkhan ramdang in a rak tlungmi a si i zawtnak he a rak tlungmi a si pinah mi tampi nih amah sualpuhnak an chim cio tikah keimah zong nih ka chimh ve sual mi a si”  tiah Zarchi Thin Yu nih cun a chim.

“Keimah hi ka lei a zaang, mah lio ahkhan ka mit khua a hmu rih i online ah a lar ngai tikah phungki tiang nih online in a duhlonak kong an chim ve. Cu tikah keimah cu ka lei a zaang ngaimi ka si i amah Saya David La zong Canada rammi a si tiin ka theih.” Tiah zong Zarchi Thin Yu nih cun a chim hi a si.

Cun a chim rih mi cu “Mah lio ahkhan Saya David La cu Kawlram a phan timi ka theih tikah minung ti cu ka thinlung kaa thingh kho ve lo i bia pakhat ka chimh sual. Kan biakmi Buddha zong nih nan sual ahcun nan sual nan phuan lai, lih nan chim lai lo a ti caah Saya David Lah cungah ka chim sualmi ngaihthiam ka hal.”

“Anu le pa a unau cungah ka chimh sualmi cu a um lo. Mah lio i ka rak chimh sualmi ruangah Saya David Lah cu ka pawng ah um hlah hmanh sehlaw Pastor a si vemi Saya (Pastor Kyaw) na um ko caah nangmah sin tu in Saya David Lah cu ngaihthiam ka hal” tiah ngaihthiam halnak a tuah hi a si.

Zarchi Thin Yu nih a chim mi cu VIDEO in rak ngai ve.

 221 total views,  2 views today

This function has been disabled for Chin 11 News.