VIDEO: Zarchi Thin Yu Cu Pastor Kyaw Myint Oo Nih Thlacam Nak Le Pathian Bia Chimh Nak A Ngeih Piak Khawh

Pastor David Lah soisel ruang ah mitfah le ngandam loin a um mi kawl nu pakhat Zarchi Thin Yu ti mi nu kha tuchun ah Pathian riantuan Pastor Kyaw Myint Oo nih Kan Bawipa Zisuh Khrih min in thlacam nak a ngeih piak khawh. Thlacam nak a ngeih piak lio ah hin alu cung ah kut chuan tein thla a cam piak I Zisuh minin damnak a hmuh than nak hnga ding ah Pathian sinah a hal piak.

Pastor Kyaw Myint Oo nih a chim mi cu Zisuh nih cancer zawtnak zong hi a damter khawh, mitcaw pawl zong damnak a pek khawh hna, mithi zong a thawhter khawh, atu zong ah hin Zisuh cu kan pawng teah a um peng ko, Zisuh nih na sinah rat in na caah thlacam ding in a ka fial hi a si caah thla kan cam piak lai tiah a ti hi a si.

Pastor Kyaw Myint Oo nih a rak tial mi te hi ka uar tuk “Pathian nih caantha an kan serpiak mi ruang ah Mah Zarchi Thin Yu he hmuhton nak caan tha zong kan ngei kho. Zisuh Khrih khamhnak le damter nak thawngtha zong ka chimh khawh. Cun a caah kutchuan tein thlacam nak zong ka ngei kho” tiah a rak tial I VIDEO zong a rak post hi a si.

A rauh hlan ah khawmnak zong a co hrimhrim lai I a mit zong khua a hmu than hrimhrim lai ti hi Zisuh min in ka chim ngam mi a si tiah zong Pastor Kyaw Myint Oo nih cun a rak tial chap hi a si.

 387 total views,  1 views today

This function has been disabled for Chin 11 News.