Video: US Police Nih Minak Pakhat An Thah Than, Buainak A Zual Chin Lengmang

US ramchung Georgia Bureau pengkulh chung I Atlanta khuapi chung ah Africa-Ameriacan minak pa pakhat cu vunrang police bawi pakhat nih pistol in a kah caah a nunnak a liam. A kaptu vunrang police hi Georgia Bureau ah cun police bawi ngan ngai a si ko nain minak pa pistol in a thah hnu ah rian in ka din cang tiah thawngthanh nak a tuah.

Minak pah an thah than mi hi a min ah Rayshard Brooks (kum 27) a si ni June 12 zanah khan police nih tleih an timh lio ah a zamchih caah police bawi Erika Shields nih pistol in a kah hnuah a nunnak a liam. Cun a thaizing June 13 ni ah khan police bawi Erika Shields cu a rian in dinhter a si cang tiah Georgia Bureau pengkulh vuanci Keisha Lance Bottoms nih thawngthanh nak a tuah.

Rayshard Brooks (kum 27) an thah hnuin Atlanta khuapi chung cu khuaci mui in an um hna I khuapi chung lam vialte zong minak pawl nih an phih khar dih, Atlanta khuapi chung ah a biapi bik mi Interstate-75 Gate zong a hohmanh kal khawh lo ding in minak pawl nih an phih dih hna. Cun Rayshard Brooks an kah nak hmun pawng ah aum mi rawl dawr zong minak pawl nih mei in an khangh dih.

Rayshard Brooks a thattu police bawi Erika Shields nih a chim mi cu “June 12 zan nazi 10 ah rawldawr pawng motor chung ah minung pakhat a it ko mi kan hmuh tiah thawngthanh nak an rak tuah. Kan kal cawlh I kan zoh, motor chung ah a um mi pa cu zuu a rit le rit lo kan chek lai kan ti I cu panih cun electric pistol cu a ka chuh I a zam, dir kan ti I a duh lo caah ka kah mi a si” tiah a chim.

Hi kong he pehtlai in Georgia Bureau of Investigation (GBI) nih thawngpang hman kan hlathlai cuahmah lio a si tiah an chim ve.

Source: CNN, BBC, Reueters

 354 total views,  1 views today

This function has been disabled for Chin 11 News.