Video: Salai Lungthli Tum Nih NLD Pawl Mee Pek Bak Lo Ding In A Chim Lio

Note: Video hi atang bik ah a um lai, NLD pawl hi mee pe bak hna hlah uh tiin ka kalnak kip ah ka chimh hna tiin a chim.

Salai Lungthli Tum nih NLD kong he pehtlai in a rak chim mi le a Timeline ah a rak tial mi pawl hi rak rel ve hna hmanh. Salai Lungthli Tum hi NLD thazaang a rak pe ngai mi le a rak dirkamh ngai mi a rak si ko nain a tu ah cun NLD pawl hi a soisel ngai ve cang hna.

Kei hi NLD le Suu Kyi a tanh taktak mi ka si, nain eihmuar duh le chawva kawl duh ah MP aa cuhmi NLD minung cheukhat cu ka huat hna. NLD le Suu Kyi min an chiatter, tuu phaw hruk cenghngia bantuk an si.

(October 7 ah a rak tial mi) Suu Kyi le VP Van Thio cu kan dihlak in kan uar tuk ko hna. Nain, NLD min zuar in mah paw caah tender bawh in eihmuar a hmangmi le mah khua ca lawng ah riantuan a hmangmi MP pawl belte cu kan fih cang hna, doh an hau cang timi fiang tein nan langhter.

(September 8 ah a rak tial mi) NLD na tanh i kan Chin miphun na dawt ve ko ahcun pumpak hlawknak lawng a kawlmi Pu Sui Thio, ralkap cozah hmanh nih eihmuar ruang ah a rian tiang an phuah balmi Pu Ngun Vung, tender bawh company ngeitu Pu C. Zacung le Pu Chan Ham, mah pumpak khua zawn lawng a ruatmi MP Nisuilian hna cu tanpi le mee pek awk an si lo tiah kei nih cun ka ruah.

Nain, Pu Tial Ling, Dr. Aye Aye Ngun, VP Van Thio le Sonny Thang Cung hna cu miphun a dawmi an si caah aho poah nih kan dirpi hna awk a si, mee kan pek hna awk a si.

NLD kan tanh ruang menmen ah ‘mifirkhu a si, ram hrawktu a si’ tiah kan theih komi minung mee pek i tanpi len cu hruh lakah hruh ngan bik a si ka ti.