VIDEO: Pu Tum Bik Hi Kawl Pawl Nih A Thluak An Tawl Dih Ve Cang Ko Hi Teh!

Tuzan ah Hakha Times Daily Newspaper nih kan naunu Sui Hlei Tial ruak kong ah Interview an tuah hna I Thantlang Ukkatah Pu Tum Bik biachim cu khuaruah har ngai a si ko. Tulio Thantlang an kan uktu hna Kawl pawl hi kan soisel piak len duh hna hlah uh a ti bak ko.

Zeitin indah Thantlang nih Covid-19 hi an runven timi kong a chim mi ah hin cun mipi humhim nak le ngandam nak ding a si caah Pu Tum Bik chim mi hi a tha ve ko hei ti pah. Asinain Kawl pawl nih kan hruai rih ko hna seh, Thantlang hi humhim rih ko hna seh a ti mi hi cu a palh deuh ngai ko ka ti.

Thantlang a humhim tertu ding ah Thantlang mi/Lai mi an um ve lo maw? Zeiruang ahdah Kawl theng te nih cun humhim ter hi a duh hnga ti hi ka ruat ngai. Pu Tum Bik bia chim mi ruang ah Interview a zoh tu vialte an thin aphawh dih cang hna. Hi kan tuah mi kong ah hin kan mawhchiat tuk hlah uh, ngaihchiat tuk ding zong a um lo tiah a chim rih fawn.

Pu Tum Bik chim mi hi tha tein ngaih ah cun Kawl pawl nih kan uk ko hna seh, Kawl nih kan humhim ter ko hna seh tiin Kawl pawl bochan nak le Kawl pawl upat nak bantuk a lawh caah Laimi nih cun hi bantuk biachim hi cu kan doh a herh mi zong a si.

Khuabawi Pu Tum Bik nih Mai Sui Hlei Ṭial ruak luhpi a duhlonak le a pu le kawl bawi soisel a duh lo nak kong The Hakha Times ah a chim!

Posted by Chin Cable Network Channel on Friday, 9 October 2020