Vice President Pu Henry Van Thio, Hakha Le Thantlang Um Khua Nu, Khuapa He Tonnak A Ngei

Chin ramkulh thanchonak zohfelding caah Chin ram a rak phanmi Vice President cu Hakha le Thantlang khuanu, khuapa he tonnak a ngei. Cu dihin Hakha Collagesakliomi, Hakha Collage Convocation caah sak lio mi inn le Hakha ah Cyclone Shelter sak mi pawl zohfelnak a ngei tiah theih asi.

Thanthlang Diamond Jubilee Memorial Hall ah Vice President le khuanu, khuapa tonnak cu tuah asi i, ram sersiamnak he pehtlia in hmuh tong mi theipar kong, mipi teltumnak a biapi ningcang, Covid-19 runvennak kong he pehtlai in cozah le mipi hmunkhat ah i fonhnak a phichuak a ṭhat ning, kum18 a tling cangmi rammi poh nih cun thimfung thlak biapi ningcang le Chin ram ṭhanchonak caah cinthlak lei in tawlrelba pawl cin ding …tbk in forhfialnak bia a chim. Cu dih cun khuanu, khuapa leiin an herhmi chimrelnak tuah asi. Cu dih in cun Thantlang khua chung sersiam le remh a herhnak hmun pawl ah kal in a va zoh i ṭuanvo ngeitu pawl nih hmailei tuah ding mi kongkau pawl fianternak an tuah.

Cu dih in cun Vice President cu Hakha lei ah a kal i, Hakha University caah sak liomi Inn le lo pawl cu zohfelnak a ngei i ṭuanvo ngeitupawl nih thil sining le fianternak an tuah i cu he pehtlai in a herhmi pawl chimrelnak a ngei. Cu dih cun Multi Purpose Cyclone Shelter saknak hmun ah a kal i ṭuavo ngeitu pawl nih thil sining pawl fianternak an tuah.

Cun Hakha BEHS.1 ah sianginn thar sak lio mi he pehtlaiin zohfelnak a ngei. Hakha khua nu, khua pa he tonnak cu Tai Chawn Hall ah tuah asi. Cu tonnak ah cun khuaram ṭhanchonakhe pehtlai in siseh, lam le sual sersiamnak kong, 2020 kum thimfung thlak ding forhfialnak, Covid-19 zawtnak runvennak kong le bawmhchanhnak kong, a dangdang thil sining he pehtlai in chimrelnak le fianternak tuah asi tiah theih asi. Cu tonnak vialte a dih hnu ah Chin ramkulh cozah chungtel pawl le a dang ṭuavo ngeitu pawl he tonnak a ngei tiah theih asi.

Note: Hmanthlak: Myanmar President Office, Taungzalat Time Media

Ref: Chin Cable Network Channel

 187 total views,  1 views today

This function has been disabled for Chin 11 News.