Vawlei Cung Coffee Man Fak Bik Serning!

Vawleicung ah coffee man fak bik hi Black Ivory Coffee ti a si. Hihi a bikin Thailand ram ah a chuak mi a si i, an tuahto ning khuaruahhar le phundang ngai a si ve.

Hi Black Ivory Coffee pawl hi Sai/Vui an eiter hnu ah a eek ek an hngah i, a eek an ruh hnu ah coffee thei thim ti a si. Cu an thim mi cu an pho than i, an zuar. A thaw tuk hringhran ti a si i, a man zong a fak bik a si. Kilogram pakhat ah US Dollar thong 2 dengmang a si. (Myanmar phaisa cun sing 20 leng kai pi a si lai cu!)

Zeiruang ah dah hi coffee hi sai thengtheng an eiter ti a si ahcun, sai pawl hi an pawchung ah saubik rawl a chia/erhtu an si ti a si. Black Coffee hi a kha ngaingai mi a si i, Sai pawl nih an paw chung ah saupi an erh tikah coffee a khaatnak vialte kha an tlau dihdeng i, cini tel loin tuah khawh colh an si ruang a si ti a si. Sai pawl hi rawl an ei hnu suimilam 15 in 70 chung ah an eek an eek ti a si.

Hrai khat ah Dollar 50 a si.

Black Coffee a hun changtu ah Kopi Luwak ti a si i, ramlak chizawh pawl eek in tuah mi coffeee a si. Sachia/sahngar pawl phun nih an ei mi coffee kha an char hnu ah an pho i, cucu an zuar ve. (Thailand ram ahcun Sachia eek man dawh in a um cang).

Ch: The National Business, Modern Farmer

 103 total views,  1 views today

This function has been disabled for Chin 11 News.