Vawlei Cung Am Pical Hna Le US Dirhmun In Covid-19 In A Thi Mi Hna Cuaithlai Nak

US cu vawleicung ram ngam bik pathumnak kan si. State sawm 50 umnak ram a si caah ram 50 a komhmi ram bantuk kan si. Minung million 331 kan um. Minung million 331 chungah Covid-19 zawtnak in minung 61000 kan thi. New York state ah minung million 20 an um, a thimi minung 23474 an si. New York tel lo ah hin US i a thimmi minung cu 37526 lawng kan si.

Italy ah milu 61 million an um i, a thimi minung 27359 an si. Spain ah milu million 46 an um i, a thimi minung 23822 an si. France ah milu 65 million an um i, minung 23660 an thi. UK ah milu 63 million an um i, a thimi minung 21678 an si.

Belgium ah milu 11 milion an um i, a thimi minung 7331 an si. Germany ah milu million 81 an um i, a thimi 6314 an si. Iran ah milu million 81 an um i, a thimi 5877 an si. China hi milu 1.393 billion an um i, a thimi 4633 an si. Netherlands hi milu 17 million an um i, a thimi, 4566 an si.

US kan milu zat, le a ram kauhning in tuak chih ahcun US hi a thi tam cem kan si lo. Europe ram thum komh i a thimi zet hmanh kan si lo. Europe ram thum komh i a kauh khi Texas state hmah a tia lai lo. US cu federal system i a ukmi ram kan si caah Federal cozah nih state cozah cungah a nawlngeihnak limit tuahmi a si. A duh poah in nawl a ngeih kho hna lo. Mah ruangah emergentcy in riantuannak a lak lawhmi a tampi. Federal cozah nih rianriang in tuah an duh nain state cozah nawl loin an tuah khawh lomi a tampi. Mah ruangah Federal cozah nih rianrang in rian an tuan khawh lomi tete a tampi.

A tanglei cazin hi minung million pakhat ah a thimi zet an tuakmi a si. Milu zet in a thimi tuak ahcun US hi China telh lo ahcun a thi tlawm bikmi ram kan si ko

Credit: Salai Lairamthang

 191 total views,  1 views today

This function has been disabled for Chin 11 News.