Vawlei A Hmun Chung Ralkap Kut In Luat Na Duh Maw? A Fiang Kho Tuk Ee!

Ralkap uknak in zungzal luatnak petu CDM um ko bu cun maw chikhat na pawkhimnak ca men zung cu na kai ko rih lai? Atu kan dirhmun cu thih nak le nunnak kar ah kan um. Phundang chim cun kan nun chung luatnak le nun chung sal tannak lam pahnih aa tonnak ah kan dir lio a si.

Ralkap nih fawi te bai in aanaa pek than an tim lo. Mipi sandah piahmi ni 20 leng si cang a thimi le hmapu mi tleihmi tampi an um. Hi ralkap uknak tha loin kan chuah khawh i kan duhmi Democracy uknak kan hmuhnak dingah cun tutan ah teinak kan hmuh hrimhrim a herh.

88 lio bantuk in teinak hmuh lai i sungh than bantuk cu a si kho ti lai lo. 88 lio ah mipi nih teinak an hmu cang lai ti ah ralkap nih Cozah rian tuanmi vialte cu zung nan kai dih lai timi order a rak chuah i mi tampi zung an kai than caah mipi kan rak sung.

Tutan zong ah ralkap nih a tih bikmi cu CDM a si. Atu ah zeidah an chim ti cun cozah riantuanmi poh zung nan kai lai, nan kai lo cun rian Chuah lengah dantat nan si lai timi order an chuah cang. A fiang mi cu ralkap pawl sungh nak lam an zawh cang tinak a si.

Cucaah zung kai ding le rian kir ding an ti zongah dai tein um ding a si. Rian i chuah zong a hau lo. Atu ah kan hmai ah thil pahnih i thim ding a um. Cucu zeidah an si ti ah cun Ralkap kut in zungzal luatnak petu CDM le chikhat pawkhimnak ca men i zung kai an si.

Nihin ah nangmah pawcawmnak le chikhat miaknak na ruah i zung na kai ko rih cun nangmah lawng hlah kan rampi ralkap sal ah kan tang than lai. Sinain ralkap teinak hriamnam tha bik le rammi nih kan herhmi Democracy kan hmuh nak dingah mi teitu CDM naa thim si cun atu in Vawlei a hmunh chung ralkap kut in kan luat lai. Cucaah na hmai thil pahnih a ummi hi thim i palh hrimhrim hlah. A Cung photo khi zohlaw na fiang ko lai. Crd:TCT