Vanzang Khua Result Theih A Nuam Ning !

Tutan thimnak kong tete van rel cu a nuam ko. Mee dihlak fonh tikah lawngah a hodah teitu a si lai ti cu a fiang chom ko lai. A sinain tutan thimnak ah Chinchin PekThang khua a simi Van Zang nih party Dang cu hmunhma an pe duh bak hna lo. A fawinak chim cun Uar an um lawlaw khi si.

Relchap dingmi pawl cu :– Tutiang result an langhter ning ahcun Matupi peng ah CNLD biatak tein an tthawng. CNLD nihin Matupi peng ah teinak kan hmu tuk lai lo, Thantlang le Hakha peng tu ahcun kan tei ngai te lai tiah an ruah mi a si nain Matupi peng tu ah CNLD an thawng taktak i Hakha le Thantlang peng ah CNLD an der deuh mi hmuh khawh a si

Tutan thimnak result ah miphun a ttanh taktak tu, Nationalism taktak cu an lang ko. David Ngaisak khua ciammam an si tiah faktuk phu zong an si fawn. Atu tiang an result hi rak zoh law CNLD nih fak tuk in an tei cang hna

mak ngai mi cu Thantlang peng khuate cheukhat ah USDP biatak tuk in an thawng ve hoi. Cun Thantlang peng khuate cheukhat ahcun Dr. Van Hmun Lian nih Henry Van Thio a teinak zong a um ve. MP Ni Sui Lian cu a mah a khua bak ah CNLD nih faktuk in an tei fawn hoi. Atu hi a khua kip in result an khomh cuahmah lio a si, hi result an khomh dih hnu ah vote tambik a hmu mi in teinak pek cuahmah an si te lai. Atu tiang cu khuate kip result lawng a si rih, a huap in result thanhnak, a hodah Chin ramkulh ah teinak a hmu timi taktak cu zeitik ah a fian lai timi theih a si rih lo. Ref: VOM