Vanlawng Chung Ah Nu Ekinn Ah Khin Na Lut Bal Ve Maw? Plug An Chiah Mi Pali Kong Khi The Na Thei Ve Cang Maw

Hi kong hi Malaysia ah vanlawng in ka kal lio ah ka zun a chuak tuk hringhran I zun inn ah cun luh ka tim nain a zun zung mi an rak tamtuk ve caah zun inn chung ah ka lut kho lo. Ka zun nih le a chuahtuk fawn caah hmaichia ngai in ka um I cu lio ah cun vanlawng chung riantuan mi nu pakhat nih a ka hmuh tikah ka cungah zaangfah nak lungthin he cun “nu zun inn khi chikhat te cu va hmang ta ko ngat, asinain na zun dih hnu ah ti toih law plug kha pakhat hmanh nah met lai lo” a ka ti.

Kei zong nih cun zun inn cu ai khat dih ko hna lo maw nu zun inn le pa zun inn cu zeidah ai dannak a si hnga ti ka ruah pah buin zun inn ah cun ka lut I plug pali cu ka hmuh taktak ve hna. Cu plug pali ah cun pakhat cio ah ca an tial mi a um I cu hna cu WW-WA-PP-ATR” tiin a tial mi ka hmuh caah zei ko dah an tial mi hi a sullam a si hnga ti ka ruat cawlh.

Ka zun dih hnu ah cun plug cu zeidah an riantuan ning a si hnga ti hngalh ka duh caah pakhat cio cu a changchang tein ka hun hmeh hna. A voikhat nak bikah WW zawn cu ka hun hmeh I ka thutnak zawnah ti nih ka tawka ah a hun ka toih cawlh ko “WW sullam cu warm water tinak a rak si” ti kha ka hun hngalh cawlh.

Cu hnu ah WA ai tial nak zawn cu ka hun hmeh than I tilum nih ka tawka a toih nakzawn teah cun thli lum minih a hun ka chem than “WA sullam cu warm air ti nak” a si ti kha ka hun hngalh rih.

A voithum nakah PP ai tial nak zawn cu ka hun hmeh than I ka tawka cu powder nih a hun kah cawlh ve ai, cu ruang ah PP sullam cu powder puff a si ti kha ka hun hngalh than rih. Hmeh ding pali a um mi chung ah pathum cu ka hmeh cang hna caah a donghnak bik a taang mi hi zei ko dah a si hnga ti kha ka lungthin chung ah a hun taap ngai cang.

A donghnak bik hmeh ding a taang mi kong ka ruah tuk nak ah lungfim loin ka rak um kho khah, ka lung a hun fimtikah cun siizung ah ka rak um ko cang. Ka lau tuk caah “nurse! Zeitindah siizung ka phak ning a si ka hun ti. Nurse nih cun zun inn ah ATR tiin ai tial mi kha na hmeh caah a si tiah a hun ka chim. ATR cu Automatic Tampon Removal ti a rak si ko khah, cu ruang ah vanlawng chung I nu zun inn khi nu pawl an zeilo pawl Automatic Tampon Removal in a rak tawl paik lengmang hna hi a si ko lai tiah ka ruah.

 916 total views,  1 views today

This function has been disabled for Chin 11 News.