Vanlawng A Tum Mi Cu NLD Thawngin A Si Nan Ti Mi Cu A Dik Maw

Chin miphun, kan pupa hna chan lio ah cun Vanlawng hi kan Chinram ah a t’um ve te lai ti te hmanh khi an rak ruah mi a si lo.Vanlawng zuan thawng te hmanh Chinram in cun duh ning in an rak thei kho loh.asinain a tu kan mah chan ah cun Surbung Vanlawngbual ah a rak t’um kho cang.hi thawngpang vun theih ah cun Ngakchi Upa thlu lo in kan i lawm cio i,kan taksa hmulthi a ling cio lai tiah zumh nak ka nei.

Surbung Vanlawngbual ah Vanlawng a hung t’um.Mipi nih kan vun theih i,mi tam deuh nih an chim mi cu a tu bantuk in Chinram ah Vanlawng a hung t’um khawh mi cu NLD cozah ruangah a si ti hi a si!cucu a hman na ti ve dek maw?Chinram caah ramkhekl rian a t’uanmi hna mi tampi nih an chim cangmi cu Ram t’hancho nak kongah Lutlai cu Cozah a t’uan mi paoh an si.zeibantuk party zongnih Cozah a tlaih ah cun an tuah ser cio awk,an rian hrimhrim a si caah an mah party e,an mah cozah thawngin e ti a si loh.an tuah awk rian an tuah mi a si ko tiah an chim mi kan theih.nang teh mah hi NLD thawngin a si tiah na cohlang ve maw?

The Hakha Times page nih mah tin a langhter.Surbung Vanlawngbual ah a voi khatnak ART 72 vanlawng a tum cang. 2020 October 27 (10:30 AM), Falam Surbung Valawngbual ah ART 72 vanlawng phun a voi khatnak a tum cang.Tutan vanlawng a rak tum hi Vice President Pu Henry Van Thio Chinram a um lio theng ah rak tumter mi a si. Tutan a rak tum mi vanlawng hi ART 72 ti a si i minung 70 a phur kho mi a si. Hi bantuk vanlawng hi Myanmar ram nih10 kan ngei, an ti. Vanlawngmawng (Pilot) minung 9 le Vanlawngcong ngaknu (Layzin-may) 3 nih an hun zulh hna.

Kan chunmang le kan zaanmang cu tlam a tling cang. Kan i lawm ngaingai, tiah Chin Ramkulh Cozah Lamsuul le Pehtlaihnak Minister Pu Sui Thio nih The Hakha Times ah a chim.Surbung Vanlawngbual cu 2015-2016 kum in tuah hramthok mi a si i budget 35 billion dih in pe 6000’ sau, pe 100’ kau in sak mi a si. Rili in pe 6000’ a sannak hmun ah tuah mi a si i Myanmar ram Vanlawngbual lak ah 69nak vanlawngbual a si, tiah kan theih.tiah The Hakha Times page nih a langhter.