Vanlal Sailo Cungah Laimi I Lawmh Lo Awk Kan Tha Hrimhrim Lo

Mizoram kan unau hna nih kawlram buainak le zawtnak ruangah a lamkip in Fund an kan kawl piak i kan hnu lei zongah Mizoram khuapi deuh hmunkip ah live in concert an kan tuah piak i phaisa tampi an rak kan hmun piak cang. Kan tuarnak le kan sining an kan zoh ah zaangfak tuk kan si i kanmah caah a lam kip in fund an kan kawlpiak cuahmah.

Van Lal Sailoa nih timhtuah mi Glory Charity For Myanmar timi tlang i tar in live concert an tuah. Mah ka zawnah hin President le Host a tuan pah in hla a sa chih, Van Lal Sailo cungah hin i lawmh lo awk a tha lo.

Kawlram mi a kan dawt ning le kanmah Kawlram mi mihar caah Phaisa tampi bawmhnak a rak pek pinah a hawi sin in tam taktak a rak hmuntu a si fawn.

Tutan ah mihar le rambuai kan unau hna myanmar caah a tthit hrau hna i concert an tuah chung ah phaisa a chuak mi hi India Rupess in ting 9 leng a chuak Kawlram phaisa cun Ting 200 hrawng a chuak cang i september thlachung Donation pek khawh a si an ti hna i zeizat remruam dik a chuak nolh hnga.

Pumpak hrimhrim in Van Lal Sailo hi kawlram mi a kan daw i Chinmi a kan daw taktak tu a si. Kanram harnak ruangah biatak tein a kan cawl piaktu a si caah a cungah hin kan miphun dihlak i lawmh lo awk a tha hrimhrim lo.pahmung mh

Be the first to comment

Leave a Reply

Your email address will not be published.


*