Van Thio Ruangah Hi Thil Hi Kan Ramah A Ummi A Si!

Tluang Za Thang:

GTI(Hakha) cu 15-12-2008 in Sianginn kai hramthawk asi. Nihin tiang Kum(12) chung a kal ve cang.Chin Ramkulh chungin siseh, Chin Ramkulh leengin siseh Siangngakchia tampi nih AGTI,B.Tech le B.E an hmuh cang hna. M.E tiang a kai khomi zong an um hna. Tampi lunglawmhnak kan ngei.

2016 March 31 hlan Kum(8) chung (Ralkap Cozah le USDP Cozah chan) ahhin GTI(Hakha) ah inn dot khat tete lawng sakpiak kan si i inn (11) an kan sakpiak. Anmah caan lio phaisa in azapi fonh ah Sing 8000 MMK hrawng si.(Capital Investment)

 

Atu Cozah nih GTI(Hakha) innlo saknak caah Kum (4) chungah Sing 80,000MMK leng kai ( Capital Investment) in inn dot 2, dot 3, dot 4 tiangin an kan sakpiak. Ahlan kum(8) nakin atu kum(4) chungah a let (10) in Innlo saknak phaisa a tam deuh. Atulio ah, Ministry of Education tangah Hospitality and Catering Training Center (HCTC) timi hi GTI le GTHS sianginn (60) lengkai ah Sianginn (10) ah sak a si i, cu ahcun, GTI(Hakha) hi ai tel. Hi HCTC innlo saknak ah Sing 20,000MMK lengkai Budget thlaakpiak si.

 

Atu bantukin GTI (Hakha) innlo saknak caah a herhmi Budget le HCTC te hna kan hmuh khawhnak hi kan pa Vice President U Henry Van Thio ( Henry Jessepa) mithmai le chimrelpiaknak ruangah asi i a cungah kan i lawm tuk hringhran.

 

Chin Ramkulh sersiamnak caah, ahleikhun in, Chin ramkulh Khualipi in Khuate lei tiang Sianginn innlo a thar sakpiaknak caah a herhmi Budget kan hmuh khawhnak hi amah #Vice_President dirhmun in an kan chimrelpiak peng ruangah asi. A ralaimi caan zongah Chin Miphun le Ram caah bochan awktlaak taktak hruaitu upa dirhmun ah kan dirpiak rih ko seh tiah Pathian sinah thla za ka campiak.

 

(A cunglei ca ka ttial lai ka ti le tuchun 26-10-2020 ah GTI(Hakha) an kan lenkai ai tongthiam taltak.)

By:Tluang Za Thang