Van Sui Chin Nih A Phuan Dih Cang!

1.A hmaisa bikah na hmin le na khua, na umnak, na nu le pa’i hmin le unau ziangzat nan si? Ans: Ka hmin cu Van Sui Chin ka si. Ka khua cu Chuncung a si. Ka umnak cu Thantlang a si. Ka pa hmin cu Pu Than Khuai a si. Ka nu hmin cu Pi Tin Cuai Chin a si. Unau Pathum kan si ih kei hi upa bik ka si.

2.Tu hi kumziat na si i kum ziangzat na si in hlasak na thawk? Cun hla teh na suah zo maw? Ans: Tuhi kum 22 ka si.kum 13 hrawng in hla cu ka sak zo nan thungai ten ka sak cu kum 20 ka si in a si. Hla hi fingkhat te lawng ka suah hrih.

3.Na hla sak mi lakah ziang hla na duh bik i ziang hla in na nun a lo neh bik? Ans: Tu lai ka nunnak ah in neh bikmi hla cu Sym Lal Tha Chin Sangii ih sak mi Siibawi ti mi hla hi a si.

4. Hla ah ziangvek style saw na uar zawng? Ans: Ziangvek hla hmuah hmuah hi sak cu ka sak theh ko nan keimah uar zawng cu Country Pop hi ka uar.

5. Hmailam ah ziangtin kekar zel na tum in sim theipei maw? Ans: Aww sim thei ko e…Ziangmi hna ka tuan khal ah Pathian hrang ah ka tuan ti lungput nei in nun karhlang zel ka tum .

6. Pathian hnatuan dingah ziang mi a thupi in na thei? Ans: Pathian hnatuan ding ah cun kan Thlarau thazaang cak ringring ding ah pumpek nak hi a thupi tuk ka ti.

7. Nangmah hi na hmel le a tha si na Single na si lai maw ti hi mipi theih kan cak nasa ? Ans: Heee aww ka single ko

8. Ziangvek mipa pasal dingah na duh? Ans: Pasal ding ah cun 1. Pathian duhnak a duhnak tum bik ah a ret tu. 2.Nu le pa vek in i dawttu le keimah i dawt vek in ka sungsang a dawt tu. 3. Caan upat le caan zoh a thiam tu. Nupi ding ah (1)Pathian duhnak zoh in innsungsang le fale a hruai tu. (2)Pasal te upat tu. (3)Pasal te hnatuan bawmthei tu.

9. Love Song hi sualah na ruat maw? Ziangtin na hmu? Ans: Sual ah cun ka ruat lo. Sinan love song sak cu Thlarau lam thazaang in pe tu a si lo i cunah keimah nih cun sak ka tum lo.

10. Pathian thu le hla in rawng na bawlnak ah ziang mi hmuitin nei in hna na tuan? Ans: Pathian hnatuan hi hnatuan lak ah hnatuan tum bik a si.Pathian hna ka tuan hi hminlang duh le larduh ah siloin Thlarau hlo mi pawl runsuak ding le Thlarau lam ah thazaang cak mi le Thlarau lam pialsan in a tluril mi pawl tundin ding hi ka hmuitin mi a si

11. Gospel singer pakhat dinhmun in hnipuan hruk le ceiawk thu ah ziangsi na hmuh dan? Ans: Si, gospel singer kan si vek in mi zohnak ah a mawi lo deuhmi thilri hnipuan cu kan hrial deuh a tul ko. Cun kan ceiawk tik ah a tawkzawn thei in luantuk lo seh la ti hi ka hmuh dan a si.

12. Pathian hlasaktu dinhmun in ziang vek caan ah saw na lungawi bik caan in sim thei pei maw? Ans: Aw. si Pathian hlasaktu dinhmun in hla ka sak tik ah Thiangthlarau nasa zetin a cangvaih i mipi nunnak a tham tik ah khin ka lungawi bik. Cun hlasa tu nih hla kan sa thlacamtu nih thla an cam i a dam mi ka hmuh hna hin kai lawm bik

13. Soiselnak, dodalnak le relsiatnak na ton caan ah ziangti vekin na um theu? Ans: Soiselnak, dodalnak, ect ka ton caan ah zuam sinsin duhnak lungthin ka nei.Ka tha a sia lo.

14. Thlemnak na tawn tikah ziangtin na do neh theu? Ans: Thlemnak ka ton tik ah ka ton mi thlemnak sung ah pil lo ding ah lungfim tein thazaang thar ka la.

15. Kan Chin mi lungput hi ziangtin na hmu, rem tul le mawi na ti mi in sim thei pei maw? Ans: Kan Chin mi zate Chin State ih ummi kan za ten Hakha,Falam,Tedim ect. thleidannak hi um hlah seh la ti ka duh.Cule Chin mi cu kan lungput duhdawtnak le zaangfahnak kan neih mi hi a mawi ka ti

16. Singers zaten lungrual tei kan um tlang theinak dingah ziang mi a thupi in na ruat? Ans: Jesuh Khrih nun kan nei taktak ah cun rualrem tein um thei lo nak ding lam a um lo. Ziang ah ti le Jesuh cu rualremnak a si Cun duhawknak le mah le mah sang tuk ih ret awknak hi hlon seh la rualrem tein kan um thei ding tiin ka ruat

17. A si cun a netnaka ah kan mipi hnenah thucah duh na nei maw? Ans: Duhdawttu mipi nan zate Pathian duhnak tuah hi kan duhnak tum bik ah ret in nunnak caanhmang ding in ka lo cah duh hai. Pathian in nan zate thluasuah lo pe hai seh. *Caan in pek nak parah tampi Lungawinak kan nei. Pathian in lo hmang sinseh. Ans: Amen. kei tla ka lungawi tuk.Nan hna tuan mi par ah Pa Pathian in lo thluasuah hai seh.

Source: GOSPEL SONGS