Van Ceu: Miphun Nan Dawt Tluk In Ka Dawt Ve Ko Nain CNLD Cu Ka Dirpi Kho Hrimhrim Lo A Ruang:

1.  USDP he an i kawp ca ah ka zum kho hna hrimhrim lo, micheu nih federal kan hmuhnk ding asi ahcun zu mei le zawng mei zong kan i tlaih ko lai, USDP he kawp zong a poi hrimhrim Lo nan ti. USDP hi king (singpahrang) ah kan ser lai i federal kan ngah lai tiah an ruah. Pinlung conference pi hmanh i tlangcung mi sual a phaw ngam tu nih cun zeitin dah tlangcung mi cu a dik mi federal a kan pek lai tiah na zumh hna. CNLD nih USDP biathli an i ruahchan ca ah NLD an doh i ralkap he a chung in an i kom, Ralkap nih hin tlangcung mi hi zeihmanh ah a kan rel lo NLD lawng an tih i NLD a sungh cun anmah nih uknak an tlaih lai i an duh paoh in tlangcung mi cu an kan hlen than ko lai. Cu caah CNLD chunglei biathli ka ruah ahhin bochan an tlak lo i ka dirpi kho lo.

2. CNLD hruaitu pawl zoh ahhin bochan tlak pakhat hmanh an um lo. Tanghra hmanh awng lo mi Pu No Than Kap nih duh paoh in a hruai mi party cu ka bochan kho hna lo.

3. CNLD lutlai hna tuanbia zoh than ah lung a fak tih an nung. Tuksum party an si ka ti. Rian an tuan hlan hmanh ah pakhat le pakhat anmah chung ah dohnak le buainak a tamtuk. Cu bantuk party cu zeitin dah kan dirpi duh lai.

4. An lak khawh hnga lo mi federal kan in lakpiak than hna lai tiah lihbia a kan kamh. Federal cu CNLD nih an ti khawhnk lam pakhat te hmanh a um lo. CNF nih kum sawmthum chung an khel i an ngah khawh lo mi cu maw anmah nih cun an hei lak hnga lihbia. A ruang cu Federal laknk lam thluan cu NCA le UDPJC lam lawng hi asi. Hluattaw ah an va i tel zong ah ralkap nih 25% an lak chung paoh ahcun constitution remh khwhnak lam a um lo, constitution remh lo in federal a um kho lo. Hluattaw i tel ve an duh sawhsawh ca le anmah pumpak pawcawmnak ca ah lihbia a kan kamh. Federal ngahnk ding lam CNF kan pale pawl nih an tuan cuahmah ko CNLD nih ti khwh mi an ngei lo. CNLD a herhnk um lo. Chunglei in biachim tu ah an um hau nan ti men lai CNLD ah biachim kho ding kawlholh a thiam mi an um lo. Chunglei in an va chim zongah chunglei ah federal kong caihnak a um lo i a poi.

5. Ram ramkhat thanchonak ding ca tawhfung cu education (fimcawnnak) hi asi. Cu fimcawnnk kongah cun NLD nak tha an um kho lo, atu ah Dr. SaSa le V.P. Van Thio NLD veve an si hoi chinchap. CNLD nih cun Falam holh cawnnak kong lawng an ruat lai ti phan a um.

6. CNLD hi chinmi nih conference tuah in zapi lungtling in dirhmi asi lo, a liamcia kum ah anmah duh cio in a rak dir sawhsawh mi party pathum an si an thawn lo tuk ca ah Luthum kha an i fonh i cu zongah cun anmah le anmah hmanh an rak i zum hna lo i Luthum bak in an rak dir. An min ah C an hun i bunh i ahnu lei cu NLD min an hun i fir. Mah duh sawhsawh in party pathum kha an hun i fonh i cucu chin miphun party kan si an i ti. Lian Hmung Sakhong le Ngai Sak nih an rak dirhmi chin party kha asi lo. CNF ral tumpi NO THAN KAP dirhmi party asi. Laimi kan mifim vialte thidai takin a that dihtu a nawng dihtu tuksum mithat nih a dirhmi party asi, Falam pakhat ca lawng i khua a ruat i falam a hruh chihmi misual pa asi. Cucaah cun hi party hi a min CHIN asi ruang menmen ah ka dirpi kho lo.

Catialtu: Van Ceu

 359 total views,  3 views today

This function has been disabled for Chin 11 News.