USDP Party Hi Kum 20 Chung Ah An Tlau Te Kho

Kawlram ramkheel Party ngan pakhat a si mi USDP Party hi hnu kum 20 ahcun an tlau kho tiah 2010 election, 2015 Election le 2020 election phichuak ningcun ruahdamh pah khawh a si tiah ka ruah.

Federal Democracy khamtu bik cu Phunghram le ralkap 25% hi an si bantuk in NLD Party nih term khat hnu term khat in Hluttaw ah ralkap thumh khawh nak lam an kawl. Asinain phugnhram remh khawh lo ahcun ralkap cu hluttaw in thumh khawh an si ve lo.

Tutan 2020 thimnak ah zei tluk in dah mipi nih NLD cung ah zumhnak le ruahchannak an ngeih ti a hunglangh mi nih thil um lai ding zong a langhter pah. USDP nih tutan ah thutden tlawmte an hmuh nak a ruang cu mipi nih an cung ah zumhlonak an ngeih caaha si. Cucu Ralkap dirpi tu le phunghram a dirkamhtu an sinak kha mipi nih fiang tein an hmuh cang caah an duh hna lo a si.

2010 thimnak cu cuhtu ngei lo in USDP nih cozah a tlaih. 2015 thimnak ah thutden 40 fai an hmuh, 2020 thimnak ahcun thutden 33 lawng an hmuh cang. (Source: RFA). Term khat hnu term khat in USDP tu an tla thluahmah mi nih ti ning te an tlak peng rih ahcun kum 20 chung ah an tlau kho tihi ka zumh ning a si.

2020 thimnak ah ralkap nu pawl minung 80 tluk nih NLD vote an pek diam. an lutlai hna nih fak taktak in an sik hna. USDP mipi an zor. Cu nih a langhter mi cu NLD cung ah myanmar ram mi nih zumh ngamnak an ngei chin lengmang ti hi a si. Asinain term hnih chung ah NLD nih a vui khatnak cozah an tlaih lio term bantuk in rian an tuan sual ahcun USDP zong an thawng than kho i Miphun Party caah lam kau pi a si ve lai.

USDP an sunghnak hi a minung an that lo caah a si hrim lo, an ramkheel le an policies nih Phunghram a dirkamh caah mipi nih an kaltak thlauhmah nak a si.2008 phunghram cu mipi humhimnak le thanchonak, Federal Democracy caah ser mi si loin ralkap lei thazaang thawnnak ding ah ser mi deuh a si caah Phunghram a dirkamhtu cu mipi thanchonak le humhimnak dohtu an si ti khawh an si caah mipi nih an dirkamh ti hna lo nak a si. Credit: By Rolian