USA Senators Nih China Cu Sa An Zuar Mi Kong Ah Fak Ngai In Ca An Kuat Cang Hna

Tulio vawlei cung a hnin dih mi le mivialte cung ah tihphan nak a phakter mi pulrai zawtnak kong ah mi tambik nih an zumh cio ning ah cun China ram nih an chuahter mi a si ko tiah chim cio a si. Hi kong he pehtlai in USA ram chung i New York City pakhat te chung hmanh ah hin hin pulrai zawtnak nih a thah mi hna hi an tamtuk ngamsam cang. Cun hi zawtnak hi saram zawtnak he pehtlaih nak a ngei mi a si ko tiah zumh cio mi a si caah US Senators nih China cu fak ngaiin ca an kuat.

“China nih sa hring phuntling an zuarnak market (wet market) cu a rannak in nan rak phihkhar ding ah theihter nak kan i tuah hna. Hi pulrai zawtnak hi saram phuntling a hring in nan ei nak ruang ah a chuak mi a si tiah zumh a si cang caah hi zawtnak a karh tuk cang mi hi a daih khawh cawlh deuh nak hnga sa hring phuntling nan zuar nak market (wet market) cu rak phit khar cang uh.

Minung nunnak thap in hi bantuk sa hring ei nak market ruang ah vawlei mi vialte kan ci a mit lai hi nan mah cung ah mawh phurhnak a um lai tiin China Ambassador Cui Tiankai sinah cakuat kan tiah cang” tiah USA Senators nih cun a chim.

Coronavirus ai thawh kehnak a hram taktak hi Wuhan (China) ah phungninglo in an zuar mi rili tang rawl (seafood) si ko tiah zong fiang tein kan zumh mi asi tiah zong USA Senators nih cun a chim chap.

Ref: INDIA TODAY

 147 total views,  1 views today

This function has been disabled for Chin 11 News.