USA President Thimnak Cu December Ah Langhter A Si Cang Lai!!

US Presidential election cu ram mi dihlak nih vote thlak a si cang. State tampi ah vote an rel dih cang nain tuchun tiangah official tein thawngthanhnak an tuah kho rih lo. Media tampi nih cun Joe Biden a tling tiah an langhter cang. A sinain nihin tiang Donald Trump nih Media langhtermi result cu a pom kho rih lo.

US Media pical bak lawngte “Reuters/NEP/Edisan, The Associated Press, CNN, ABC News, NBC News, CBS News, USA Today, The New York Times, The Washington Post, FOx News, The Wall Street Journal” pawl hna nih Joe Biden hi President thimmi a si cang tiah an langhter i, electoral vote 306 a hmuh an ti. Trump belte cu 232 a hmuh ve tiah an langhter.

US Media vialte nih Biden an ttanh i, Joe Biden cu President an an tlinter. A sinain cucu a dik lomi a si. Lih le hrokhrol in vote thlaknak le vote relnak zong a um cu caah Upadi ning in kan kan tawlrel lai a ti i, taza cuainak tete zong Donald Trump nih cun a tuah. Cu caah nihin tiang offcial in result langhter khawh a si lo pin ah Joe Biden cu Whit House ah luhter a si rih lo.

Atu ahcun Official tein result thanhnak nicaan cu an langhter cang ti khawh a si. A ruang cu State kip in Chief election official hna nih an mah le State cio vote, electoral vote zat cu fehternak an tuah hmasa dih lai. Cucaah December 14 ah khin State kip chief election official nih result an langhter ning in fehternak an tuah te lai.

Cu caah Donald Trump le Joe Biden ah hin a hodah USA president taktak cu a si lai timi cu December 14 2020 ah official tein thanhnak an tuah lai caah lungsau tein hngak ko hna u sih! Credit: VOM