USA Khuasa Rawlram Mi Pahnih Hna Cu An Ruak In Char An Si, An Rak Thah Hna Ning A Fak Ko

Fort Worth, Texas khuasa Karen miphun mino minung (2) cu zarhte ni (Oct 10,2020) zingka ah an ruak in an hmuh hna. Mei in an thah/thih hnu ah an khangh ta hna ti asi. Mah kongah an hlethlai cuahmah lio asi. An zumhnak ah mi nih an thah hna caah si dawh in an zumh.

Atu hi biatak tein a thahtu siloah zeitindah an thih khawh ning asi timi a ruang an hawl lio asi tiin theih asi.

An mah ruak fimnak caah bulhnak fund hawlnak an tuah piak cuahmah lio asi. A tanglei link ahhin bulhnak pek a duhmi nih pek khawh asi lai.

https://www.gofundme.com/

Source: Salai Z T Lian

+++++++

Thawngpang dang relnuam taktak miĀ 

Kan ralkap CNA a daw lo mi politician nih miphun ka dawt an ti cu zumh awk a har ngai.
——————————————————————————
Tulio cu Mi phun le Ram na dawt ahcun kan dir pi mi party kha VOTE uh timi a tam ngai. Mi phun pakhat nih cun mah ram a ngeih caah miphun le ram tiah komh in kan chim tawn. Cubelte cu party politics nih cun ramchung khuasa rammi sin tiang lawng a nawl ngaihnak nih a huap khawh i Miphun dawtnak nih cun ramleng khuasa mi vialte zong a huap khawh caah party politics cungah miphun dawtnak hi a ummi a si. Cu a cung chin chin ah rii a ngei lo mi Pathian rian tuannak hi a um.
Miphun le Ram na dawt tak ahcun Miphun ralkap na dawt hmasa lai. Kan ramri a vengtu le kan zalonnak caah Fighting a tuahmi kan ralkap ngeih chunh mi a si. Phun dang in chim ahcun Kawl ralkap Virus an zen le kuan meici hmih dingah ral a do mi an si. Na dawtnak kha thazang le na fimnak pumpak in nai tel khawh lo hmanh ah ngunkhuai peknak maw na ti khawh tawk tein na dir pi khawh. Ngunkhuai a pe lo mi cu khuaika ram hmanh ah rammi tha (good citizen) an si bal lo. Miphun le ram dawtnak kong na hei chim ve i Chinram rammi tha na si maw?
Miphun le ram dawtnak na chim hlan ah hi kong hi bia i hal hmasa. A ho kawl nih dah kan ralkap an dawt bal? CND hmanh ah biachim nak an onh hna lo khah! Kan ralkap thazaang a der caah zei a kan rel lo a si ko lo maw? Fanu fapa fangkhat bantuk kan ngeih chunh mi CNA ralkap hmanh dawt tung loin kan saduhthah tlin hlan ah party politics hi hmai ah kan chiah awk a si lo.
Kan ralkap caah a dih umnak in thazang kan chuah hmasa lai. A pahnih nak ah party politics a si awk a si. Party politics nih thim awk pa (2) a ngei. Kan miphun caah politics maw first priority kan chiah lai? Hriamtlai hna nih an kal pi mi Peace process lam pakhat lawngin kan saduhthah tlamtlinnak lam a um cu a fian ko caah kan ralkap a dirkamh tu asiloah a bawmchan kho tu political party maw kan tanh lai? Asiloah (opportunity) thanchonak a biapi ah a chiami political party dah kan tanh lai? A pa hnih in a bia pi ve ve nain hnu hmai a um. Hi hnu hmai hi thlen a ngah lo.
Baibal in tahchunhnak ka lak a si ahcun sual thlaici (Sin) thah hmasa maw a bia deuh? Tuah mi sual (Sins) thah lengmang dah a bia pi deuh? Thluak a ngei mi nih cun mah tein bia chahnak tuah ding a si ko.